حوار بين بنت وصحبتها & وابن وماماته (مفيد)

- هاى دعاء ازيك
- هاى دينا انا الحمد لله تمام وانتى؟
- بخير الحمد لله يا
قمر
- إيه اخبارك و أخبار الأجازة معاكى ؟
- اهو مش لاقيين حاجة نعملها
واليوم ممل
- طب مش بتساعدى مامتك فى البيت؟
- آه بمسح التراب وبكنس
سااعات
- والمطبخ مش بتعرفى تطبخى؟
- أطبخ ؟ إزاى يعنى ؟ ماما بتعملنا كل
حاجة يا بنتى اصلا دى ماما شاطر...ة أوووى
___________________

حوار بين ابن
وماماته :-
- احمد قبل ما تنزل غيرلنا الانبوبة
- انا مبعرفش يا ماما اغيرها
خلى بابا لما يرجع يغيرها
- طب جلدة الحنفية طيب الحنفية عمالة تنقط من الصوبح

- ايه يا ماما البهدلة دى لأ معقول الميه عمالة تنقط من الصوبح وبابا سايبها
كده
ويرجع يزعقلنا ويقولنا الفاتورة جت كبيرة لما يرجع خليه يغيرهالك
عشان
انا مبعرفش ..
- طب خلاص وانت نازل ارمى معاك كيس الزبالة
- نعم ؟
كيس الزبالة ؟ انتى عايزانى انزل يا ماما قدام صحابى فى الشارع
وجيراننا والناس
تشوفنى وانا ماسك كيس الزبالة ؟
استنى بابا فى البلكونة وقبل ما يطلع خلى أمانى
تنزلهاله ع السلم يرميها..

_____________

انتهت الحوارات :-
فين
المسؤلية بقى ؟
من الحاجات اللى لازم نغيرها فى واقعنا
هى المسؤلية
وتحملها
فئة كبيرة دلوقتى من البنات مبتعرفش تطبخ
ولما يسألوها بتكون فخورة
جداا بكده
وحاسة انها تستاهل وسام على انها مبتطبخش
طب وبعدين هو الجواز ده
مش مسؤلية ولازم نستعدلها؟
فين قدرتنا على تحمل مسؤلية البيت اللى
هنفتحه؟
وهل هتبقى سعيدة لما زوجك يبقى نفسه يعزم
أصحابه أو أهله ومش عارف
لأن انتى مبتعرفيش تطبخى؟
________
الشباب ليه دلوقتى مش بيحاول يتعلم انه
يصلح
الحاجات المنزلية البسيطة دى بنفسه ويحاول
يدرب نفسه ويستعد على تحمل
المسؤلية؟

إيه رأيكم نحاول نغير الواقع الاتكالى ده
ونغير من نفسنا وننمى
قدرتنا على تحمل المسؤلية عشان
نبنى بيت أساسه صح ..

ياريت أسمع
آرائكم

مسؤلية مين لشاب بيدور على انة يفيد فى اقل امور المنزل سهولة وبساطة ولا بنت بتعرف تعمل شاى حتى انسى

» اقتراح بس مفيد
» اقتراح مفيد جدا للمنتدى
» شرب الشاي مفيد لصحة الاسنان
» هل تناول البيض مفيد لصحة الإنسان؟
» لقاء عمرو اديب و مفيد فوزى مع طلعت السادات (ساخن جدا ) 9/2/2