وأنا بفتح الفيس بوك عادى يعنى زى كل يوم ألاقى فى أول الصفحة فيديو بيتكلم عن
أزمة الحشيش فى مصر....
قلت ده أكيد دعابة أو كده ..... أدخل أشوف واحد مذيع
مستضيف واحد محشش مضايق من أن مبقاش يلاقى دلوقتى السجاير...... صعب عليا بجد
الراجل يعمل أيه؟؟؟!!!!!!! مش لاقى حشيش.
أنا بسأل هى ده زى أزمة السكر
والعيش كده؟؟؟
وهل يا ترى بعد كده هنلاقيه مدعم مع حاجات التموين؟؟؟؟
يعنى
إحنا مثلا معندناش أزمة عطالة ولا أزمات اقتصادية والأزمة اللى بنواجهها هى أزمة
الحشيش!!!!!!
أنا عايزة أعرف هو تعاطى الحشيش مش ليه عقوبه برده..... طيب
المذيع اللى استضاف المحشش(اللى صعبان علينا أكيد)... كان واخده عادى كده من الشارع
ومبين أنه مش على بعضه وبيفرك فى أيده من التوتر زى الأفلام عادى كده من غير أى
عقوبة رغم أن أكيد لو أتحلل دمه هيبان أنه مدمن واللى يشل إن جايبين الموضوع
عادي...................والبجاحة أنه بيشتكى فعلا هو فين الحشيش؟؟؟؟
طب أنا
بسأل أزمة السكان وأزمة المرور وأزمة المياه اللى فى مناطق متفرقة من الجمهورية
وأزمة الكهرباء برده..... وأزمة العيش وأزمة السكر .....راحو فين يمكن يكونوا
اتحلوا؟؟؟
هو فى الريبورتاج اللى عمله كان قالوا إن وزارة الداخلية خلصت على
الحشيش اللى فى السوق وكافحته طب هى حصلت المكافحة فجأة كده؟؟ كانوا فين من
زمان.... الكلام مش مقنع انتوا مقتنعين؟؟؟؟ أهم حاجة اللى يلاقى الحشيش يا ريت
يعينه الله أعلم الزمن مخبى أيه والحشيش فى اليوم الأبيض ينفع فى اليوم
الأسود.
الرصيد
الخبره : 
النقاط : 
موضوع: فين الحشيش؟ 
2010-04-15, 10:07 pm
