غرفة المواجهة

موضوع: رد: غرفة المواجهة 2009-05-20, 5:13 pm

اوكى عادى

يا افندينا

موضوع: رد: غرفة المواجهة 2009-05-20, 9:40 pm

انا موجود وتحت امركم يا جماعة

موضوع: رد: غرفة المواجهة 2009-05-21, 1:23 am

يا جماعه انا لسه خارجه من على الكرسى وملحقتش اخد نفسى
بس عشان خاطر محمد عبدالسلام بس انا موافقه واحب ابدأ

اذيك يا محمد انا اسمى صدفه وعمرى 21 سنه ومن الشرقيه
وانت ؟؟؟

موضوع: رد: غرفة المواجهة 2009-05-21, 6:34 pm

اولا انا سعيد بهذة المواجهة
واكيد اجاوب بكل صدق
الاجابة
محمدعبد السلام رزق
من الحسينية واكيد طبعا من الشرقية
وعمرى ممكن انتى تحسبية 20/5/1976
موظف بالثروة السمكية بصان الحجر

ممكن اعرف مين هية صدفة بصراحة ؟؟؟؟؟؟؟
ولكى الحرية فى الاجابة ولومش عايزة تردى برحتك

موضوع: رد: غرفة المواجهة 2009-05-21, 7:52 pm

صدفه انسانه طيبه جدا وكل الناس بتضحك عليها من سذاجتها
على العكس ان اللى يشوفها من بعيد لبعيد يفتكرها مغروره جدا
بس هم الناس بياخدو بالمنظر وبس لكن من جوايا طيبه على غباوه

انت بقى ايه اول حاجه بتشدك فى البنت

موضوع: رد: غرفة المواجهة 2009-05-21, 9:56 pm

انا بصفة خاصة لا انظر الى البنت مهما كان الجمال النابع منها
ولكن الى الاخلاق قبل اى شئ والدين وهل هى تصلى ام لا
واكيد اذا كان يوجد اخلاق اذن يوجد ادب وحسن تربية

ماهى نظرة صدفة الى شباب اليوم ؟؟؟؟؟؟؟؟؟؟؟؟

موضوع: رد: غرفة المواجهة 2009-05-21, 10:57 pm

شوف يا محمد انا مش هقولك انهم عاجبينى قوى وفى نفس الوقت مش هقولك انى ساعات بنبهر ببعض منهم فى بعض المواقف ساعات بتشد ليهم قوى

ايه اللى ممكن يدايقك في البنت اللى قدامك

موضوع: رد: غرفة المواجهة 2009-05-22, 1:09 am

الغرور اللى البنت بتكون حاسة بية وبتكون حاسة انها اجمل واحدة على وجة الارض
ولكن الروح الطيبة من اى بنت بيكون مفتاح لحجات كتير

سؤال ليكى بسى شخصى شوية

لو انتى مش مرتبطة ؟؟؟
اية موصفات الشخص اللى بتتمنى يكون شريك حياتك ؟؟؟

موضوع: رد: غرفة المواجهة 2009-05-22, 1:12 am

انه يكون راجل قوى وهتندهش لوقولتلك انى نفسى اللى اتجوزه يضربنى لو غلطت
يعنى وبصراحه انا معجبه جدا بشخصية سى السيد

فى ناس من اهم هواياتها الكلام فى التليفون ياترى انت من أصحاب الهوايه دى ؟

موضوع: رد: غرفة المواجهة 2009-05-22, 1:44 am

اولا انا رقم تليفونى خاص جدا وفى الحقيقة هو للشغل وللمعارف فقط لكن ان اكون من الناس الى مش وراها الا التليفون انا مش فاضى للكلام الفارغ

افهم من كدة انك مش مرتبطة
سؤالى

تتمنى تعيشى قصة حب فى الوقت الحالى ولا موضوع الحب والرومانسية دة؟؟؟؟؟؟؟؟؟؟؟؟؟؟؟

موضوع: رد: غرفة المواجهة 2009-05-22, 4:25 am

اجدعنو كدة يالا يا محمد انت وصدفة عايزين نتايج حلوة
انا كل غرضى اننا نقرب من بعض ونكون فعلا اسرة
وعايز اشوف نتيجة منكو انتو بالذات هاااااااااااااااااااااا
مستنى اشوف

موضوع: رد: غرفة المواجهة 2009-05-23, 10:07 pm

خلاص الفرصة خلصت
اتمنى تكونو فعلا بقيتو اسرة جامدة مع بعض فى المنتدى
تمنياتى ليكو بالمودة الدائمة

موضوع: رد: غرفة المواجهة 2009-05-23, 10:12 pm

والنهاردة بقى معانا
**
*
مــــــــــــــــين
**
مــــــــــــــين
**
مــــــــــين
**
انهردة معانا
**
(مستر لونلى )
&
برنسيسة المنتدى
**
*
(ســـــــــمر)
**
*
تمنياتى بكل مودة وصدق
**
فى انتظار مستر & وسمر
بابلاغ خضــــــــــــــــــورهم

موضوع: رد: غرفة المواجهة 2009-05-23, 10:40 pm

هو فين مستر لونلى

موضوع: رد: غرفة المواجهة 2009-05-24, 5:23 am

احم احم

انا موجود يا جماعة

و بجد مفجاءة جميلة ان انا اشارك ف التوبيك الجميل دة

ف انتظار سمر علشان نبداء الاسئلة

موضوع: رد: غرفة المواجهة 2009-05-24, 3:19 pm

هي فين سمر يا جماعة علشان نستمتع بالمواجهة بينهما

موضوع: رد: غرفة المواجهة 2009-05-24, 8:43 pm

والله احنا مستنين الموجة المنتظرة دى من زمان
وبنطالب افندينا باستمرار المواجه لغايت ماهما يقولو خلاص احنا بقينا اسرة 100 100 مع بعض

موضوع: رد: غرفة المواجهة 2009-05-24, 8:47 pm

انا جاهزه ومعنديش اى مانع من المواجهه وخصوصا مع المستر

وابدأ
مستر لونلى بيحب يعمل ايه فى وقت فراغه

موضوع: رد: غرفة المواجهة 2009-05-24, 9:47 pm

انا بحب اخرج شوية مع صحابى

ممكن ااقعد على النت شوية

من فترة كدة كان ممكن ااقرا كتاب انما حاليا خلاص

بطلت قراية

بس دا كل اللى ممكن اعملة ف وقت فراغى

سمر

ف حكمة عن الحب بتقول

امتلاك الرجل للمراه هو نهاية حبه , وامتلاك المراه للرجل هو بداية حبها

عايزك تكتبى كومنت على الحكمة دى

او توضحى معناها اية

و كمان رئيك الشخصى ف الحكمة دى

موضوع: رد: غرفة المواجهة 2009-05-24, 10:09 pm

فعلا امتلاك الرجل للمرأه هو نهاية حبه ودى حقيقه معروفه

انما التعليق هيبقى على امتلاك المرأه للرجل لأن المرأه مش ممكن تمتلك الرجل والا تكون واهمه
لكن فعلا لو فى راجل فى الكون وهب نفسه لمرأه بمنتهى الإخلاص يبقى فعلا بداية حبها وعشقها لكن باردو انا مصممه انه مينفعش

مستر لونلى
ليه سميت نفسك لونلى رغم انك بتقولى انك بتقضى وقت فراغك مع اصدقائك

موضوع: رد: غرفة المواجهة 2009-05-24, 11:51 pm

الكومنت بتاعك جامد جدا عن الحكمة يا سمر

انا قولتلك بكون مه صحابى ف اوقات فراغى

او ف ازمة او لو حد محتاجنى لازم اكون جمبة

انا لما بكون مخنوق او جوايا حزن

او حاجة خنقانى بحب دايما اكون لوحدى

و علشان انا ف معظم الاوقات الصعبة اللى بمر بيها بفضل اكون لوحدى

فانا بحب الاسم دة

بس كدة

سؤالى بقى

برضو ف حكمة بتقول

ثلاثة يتشابهون في عقولهم..الشاعر،والمجنون، والمحب

عاوز اعرف تفيسرك للحكمة دى اية ؟؟

موضوع: رد: غرفة المواجهة 2009-05-25, 12:14 am

الشاعر تسيره مشاعره حتى واذا كانت تخالف العقل

والمجنون تسيره عيونه ولا يستخدم العقل لعدم وجوده
والمحب يسيره قلبه مهما تحدى الناس فى ذلك

ايه هى الفرحه اللى ممكن تحليك تدمع

موضوع: رد: غرفة المواجهة 2009-05-25, 4:29 am

الفرحة اللى ممكن تخلينى ادمع

ساعات كتيرة اوى تلاقى الانسان ساعة الفرح

بيعبط يعنى زى ما بيقولوا كدة دموع الفرحة

حلم ياما كتير اوى اوى حلمت بية

و الحمد لله حققت الحلم دا اكيد تعبت و اكيد عانيت كتير لحد ما وصلت

ممكن اعيط من الفرحة

سمر

ممكن اعرف نقطة سودة ف حياتك

موضوع: رد: غرفة المواجهة 2009-05-28, 12:18 am

شكرا للمشاركة الممتعة
*
انهاردة بقى معانا
*
مــــــــــــــــــــــين
*
مــــــــــــــــــين
*
مـــــــــــــــين
*
مــــــــين
*

(محمد الحــــــــــــــــاوى )

&

(كــــــــــــــوين)

**
*

تمنياتى للمشاركة الممتعة

موضوع: رد: غرفة المواجهة 2009-05-28, 2:24 pm

انا جاهز ومعنديش اى مانع من المواجهه

فين كوين عاشن نبدا الاسئله

» المواجهة أفضل الطرق للانفصال
» خطة المواجهة الإيرانية:اطلاق 600 صاروخ شهاب كدفعة أولى في أ
» مقطع في غرفة العمليات
» موضوع عن فيلم غرفة 707 للمطرب رولا سعد
» كشف العورات في غرفة العمليات موضوع خطير جدا..