من هنا نبدا ؟؟؟؟؟؟؟

مش عارف ليه دايما في الوطن العربي تجد الشعب في وادي والحكام في وادي اخر
الحكام يقولون : احنا عاملين اخر جهدنا منقدرش نعمل اكتر من كده .. يا جماعه اللي علي الارض خيال .. يعني هوا انتو مواركوش غير النقد .. هما يا شعب ايدك معانا .. والشعب يقول : نهبتوا فلوسنا .. وضيعتوا امالنا .. وبعدين جايين تقولوا احنا مالنا .. فيرد عليهم الحكام : .. يا جماعه احنا عندنا خطه وانتوا يا شعب اللي عملتوا الخطه دي .. والوزراء موجودين ومجلس الشعب موجود .. وكل الوسائل الرقابيه موجوده.. انت يا شعب اللي مقصر .. ومش عارف تمارس واجباتك وتاخد حقوقك .. يقول الشعب : ما حنا مره عملنا مظاهره واتحبسنا واتبهدلنا اخر بهدله .. انتوا يا حكام تستاهلوا الحرق ..فيرد الحكام : شفت بقي يا شعب انت اللي بتهاجم ازاي وانا مش عاوز اعاملك بالمثل واحاكمك علي السب والقذف اللي انت مش شاطر غير فيه .. دي هي حجه البليد يا شعب قال ايه الاستاذ مسح السبوره ...
وهكذا نقع في جدال لا نهايه له .. ومش هنحل اي مشكله .. مدام مفيش مصداقيه بين الاتنين .. فيه انفصال شبكي .. ومش هنشوف المستقبل المشرق ابدا
نفسنا نقتنع ببعض الاول .. نرفض ان يقول الشعب علي الحكام انهم عملاء ومرتزقه وحراميه .. ونرفض ان يقول الحكام انتم نائمون ونحن اوصياء عليكم .. نفسنا نقتنع ببعض الاول.. لكن مدام كل واحد منهم له ايديلوجيه معينه واتجاه معين .. يبقي مش هنقدر نحل .. لازم نتعاون مع بعض .. ولا نوجه الاتهامات جزافا .. دايما نرمي كل حاجه علي الحكومه .. يا جماعه غلط .. هوا معقول رئيس الدوله يقدر يعمل حاجه شر ومؤذيه لحد لوحده .. مش فيه شعب واقف ورا كل ده سواء في الخير او في الشر ..مش فيه ضباط شرطه ومخبرين وامناء شرطه .. وغفراء .. وحاجب محكمه .. ودكتور بالمستشفس بيكتب تقارير علشان ياخدها القاضي ويحكم حكمه .. اللي بيحكم وفق قوانين وضعها اساتذه الجامعه .. وبياخد الحكم محضر يوزعه بعد ما فيه حاجب معاه الدفتر .. وعامل بريد .. وموظف في المحكمه بيروح علشان ينفذ الحكم بالاعلان يقوم المجرم يعطيه 30 جنيه .. ويقولو روح المحكمه وقول ملقتش حد في البيت.. وعلشان كده وزاره الداخليه استحدثت حاجه اسمها تنفيذ الاحكام .. يا جماعه عاوزين نتقابل في نقطه .. اذا كنتوا بتقولوا الحكومه فاسده .. فهذا له سبب واحد الا وهو ان الشعب فاسد
متيجوا نبطل اتهامات .. وكل واحد يرمي اللوم علي الاخر .. (اني اركم بخير ) مثلما قال سيدنا شعيب .. وبلاش نرمي الاخر بالباطل او بغير الباطل
متيجوا نحب بعض .. ونعمل حاجه كويسه احسن
زي عمر خالد مثلامدام الشعب بيحبه .. وزي مشروع ابني بيتك مدام الحكومه ناجحه فيه.. نفسنا نتقابل في منتصف الطريق
وهي فكره برده يمكن تنفعنا لبكره ؟؟؟فاكيد ممكن من هنا نبدا
مع تحيات
الجنراااااااااااااااااااااااااااال

المشكله ان كل واحد مبيفكرش غير فى نفسه
حتى الناس اللى فى الطبقه الراقيه صعب جدا تلاقى كتير منهم متعاطف مع الناس الغلابه
اسفه لو هختلف معاك فى الرأى