( أعترف )

موضوع: ( أعترف ) 2010-05-10, 6:23 am

أعترف
أنك أسير الخوف
أن السراب جواك بيحبى
فوق خيوط العنكبوت
أعترف
أن السما جواك بتبكى
أن أرضك أرض موت
وف لوحة تجريدية
تحت المطر والسيول
تحت أنياب الخيول
أنسى اللى كان
أنسى اللى يوم راح يكون
أنسى القمر
أنسى الشجر
أنسى أشلاء البيوت
وارتمى ف حضن السما
كروان بيرمح ف المدى
من غير حدود
أعترف
أنك أسير الخوف
أن السراب جواك بيحبى
فوق خيوط العنكبوت
أعترف
أنك ملاك
أو شيطان
أنها زى القمر
طالعة من قلب الغيطان
بكام جنيه رضيت تعيش
من غير لا ضهر ولا ولد
ده بيتها نور وتوبها خير
من ربها واخده المدد
أعترف
أن أمك
زى السما.. واقفه تبنى ف الشجر
أن أبوك حلال مسائل
مع أنه حسبه ف القدر
لجل الحياة تفضل ف دربك
عنقود هنا
أعترف
أنك عجوز
أو فيلسوف
درويش وقاعد ف السما
مع أن حلمك.. رافض ف يوم يتشنق
بحبل من خيط عنكبوت
أعترف
أن السما جواك بتبكي
أن أرضك.. أرض موت