هند
فنان مبدع
برج العضو : 
 الرصيد : 488
العمر : 39
العمل : فى البيت
المزاج : هاديه
 الخبره : 17/03/2009
 النقاط : 12119
 |  موضوع: كيلو اللحمةالعجالي بــ 10 جنيه  2010-05-04, 6:43 pm | |
| خلاااااااااااااااااااص كيلو اللحمة هيبقى بـــــــــــ 10 جنيه وعجالي ومحترمة ومن عند أنضف الجزارين !!
وتاخديها مطمنه مليون الميه !
واللي يفرح أكتر بقى إن الحد المتوسط للسكن هيبقى 50 جنيه !!!
ماتستغربوش ده عشان يتناسب مع الأجور اللي غالبا في رينج 400 ، 500 جنيه !!!
وده حل الحكومة اضطرت تعمله بدل ماترفع الأجور وتعلي مستوى المعيشة ..
والأسعار تغلى والمعدمين يكعوا ...
وندخل في التضخم والحدوته اللي بنسمعها على طول دي ..
لأ خلااااااااااااااص وهنرتااااااااااااح وخلى الغلابة تاكل لحمة ..
والشباب يسكن ويتجوز واللي عايز يشتري شقة كمان مش يسكن يشتري..
لأن بصفة عامة أسعار العقارات كمان هاتنزززززل
وكل حاجة سعرها هايتظبط .. ده غير التعديل اللي هايحصل في حاجات تانية كتيييير
بس انا جيت أقولكم على الأسعار بس عشان دي أكتر حاجة تاعبه الشعب
خلاص هنشم نفسنا ونفكر في حاجة أهم من أكلنا وشربنا
ويمكن نتطور بقى مع مر السنين ويبقى لينا وكالة ناسا هنا !!!
{والله شكلنا كده أخرنا وكالة أناناس ههههههههههه}
على فكرة الكلام ده جد مش هزار !!!
وماتستغربوش لأن الحكومة إضطرت تعمل كده
عشان ...
عشان إيه .........؟
تفتكروا عشان إيه ؟؟!!
عشان إحنا إعترضنا عالوضع ده .. ووقفنا شعب واحد وقفة راجل واحد وحددنا مطالبنا وطلبناها بقوة ..
وماخفناش من حاجة لأن ده حقنا ..
{والحق حينما لا يعطى .. ينتزع}
بجد لو احنا عملنا كده .. وما قعدناش نبني أحلامنا على الخيال ..
أو على الأنتخابات الرئاسية القادمة ..
ده إذا اتعدل الدستور وبقى فيه انتخابات حرة ونزيهه وشفافة و......... الخ
من أحلام اللي مفيش حاجة منها هاتحصل
إلا لو ...
إلا لو احنا فعلا عزمنا على التغيير وعملنا حاجة
لو مليون واحد بس إعترضوا على الوضع ده وعملوا مظاهرات سلمية .. طالبوا فيها بحقوقهم
أكيييييييد ده هيشكل ضغط على الحكومة وهاتحترم الشعب وتلبيله مطالبه رغم أنفها ..
على سبيل المثال : زي ماحصل يوم 6 أبريل 2008 يوم {غضب المصريين}
فعلا الحكومة لما حست ان الشعب فيه شئ من الجدية والتهديد ..
على طول زودوا العلاوة 30% ..
صحيح رفعوا الأسعار بعدها ..
بس عشان لاقوها هوجة عرابي وعدت
لأا احنا عايزين نتكاتف .. بجد ونقوم بجد
ومانخافش إحنا أكتر وبالتالي أقوى وده حقنا
و{إذا قلت ماتخافش وإذا خفت ماتقولش}
وده اللي احنا عايزينه .. عايزين حقوقنا المنتهكه في كل شئ سواء تعليم أو بطالة أو أجور محترمة أو صحة أو ...... أو ..... الخ
والله مصايبنا كتييييير .. بس احنا نفوق هاتضطر الحكومة للتغييير
بس لما تلاقينا مش نافع معانا المسكنات اللي بيدهولنا من :
هانعمل وهانسوي والوعود اللي في الهوا دي
لما تلاقينا فعلا عايزين تغير
ملموس محسوس مدروس..
آآآآآي أناباييني إتشكيت بدبوس
ههههههههههههههههههههه
كويس عشان اخلص أحسن الموال ده مابينتهيش ..
ولما افتح فيه واقول النهايه مابتجييش
ههههههههههههههههه
عموما عايزاكم تشاركوني بآرائكم
وطبعا ماتنسوش التقييم عشان الموضوع يتثبت
وتكون بداية على إنه يتثبت على دماغ الحكومة
وعايزة رأيكم في الإستفتاء برضه
أصلي بصراحة فوجئت بإستفتاء في برنامج "مصر النهارده"
بيقول فيما معناه :
هل توافق على مقاطعة اللحوم حتى تنخفض أسعارها ؟
وإذ بي أفاجئ بــــــالنتيجة القاسية
7% نعم ... و 93% لا !!!
وعجبي!!!
فعايزة أشوف رأيكم يمكن أطمن شوية
وماتنسوش بقى أرائكم وتعليقاتكم وإضافاتكم وتقييمكم وحاجاتكم الحلوة دي
مش هاقول تاني ههههههههههه
ملحوظة بس صغيرة : أي واحدة عاجبها الوضع ده ومنتمية للنظام ..
من فضلك إقرئي الموضوع واخرجي بسلام بدون تعليق
هو الحقيقة المفروض اني أقبل وجهة نظر الأخر ..
بس بصراحة أنا وصلت لدرجة ان مرارتي اتفقعت فامش عايزة حد يستفزني .. وشكرا
وأسفة على الإطالة وأرجو اني ما أكونش أزعجتكم
وشكرا جزيلا لكم | |
|
Enchanting pop
شخصيه هامه
برج العضو : 
الرصيد : 628
العمر : 39
العمل : Graff Man
المزاج : معتدل
الخبره : 14/03/2010
النقاط : 11709
| | موضوع: رد: كيلو اللحمةالعجالي بــ 10 جنيه 2010-05-19, 1:22 am | |
| بجد ياهند عندك حق كل الى بيحصلنا علشان احنا مابنطلبش باى حق لينا
وعمرنا ماوفنا واقفة واحدة | |
|
