برج العضو : الرصيد : 679العمر : 40العمل : محامالمزاج : حسب الاحوال الخبره : 25/03/2010 النقاط : 12042
موضوع: "تحكى لمين يا شهر زاد" 2010-04-29, 1:38 am
احكى كتير يا شهر زاد كل الحكاية..... بتبتدى من غير ميعاد ولا حد واقف للزمن يمسك سنين يحسب ثوانى غربته حلمه اتولد فى تربته والفرح خايف م الحداد يوم الخميس قبل اللى فات بصيت على ولاد البلد أطفال بتجرى ف سكتى ما لهاش عدد وعجوز بتعبر كل شارع خايفه من صوت الخفير وبتسال الناس الفتات شايله الهموم بين العيون تبكى وتشكى للزمن زوجها اللى مات عدت سنين ودخلت شارعنا اللى فات يوم التلات ولقيت ملامح خوف وحبة ذكريات مكتوب على الحيطة البعيده كلمتين الصبر مفتاح الفرج واللى انكتب يا عين ..... وحاجات كتيره بتختفي وتموت يا عين بين العنين نفس العجوز وولادها بيمدو الايدين نفس البلابل كل طير واقف حزين ولكل شارع ناصيتين ناصيه تلم المحرومين والتانية فيها شيخ بلدنا والثكالى جنب منه مطروحين تحكى لمين يا شهر زاد لون المنى كان لون رماد وأنا كنت واقف من زمان والحلم واقف فى المزاد برمى السلام على كل سكان القبور وف كل عام يوم العبور امسك قلم واكتب سطور ما لها القبور مكتوب عليها الف كلمة مرسوم عليها مية سكون والعتمه تخطف كل نور ما لها السطور؟؟ ليه كل سطر بينتحر بين المآسى والسرور واتمرغت كل الحروف تحكى لمين يا شهر زاد ونجيب منين الناس وكل الناس بتهرب م الكلام وتعيش كتير تحلم بتاكل ف الرغيف واتبعثرت احلام عرق الجبين فوق العنين واقف حجر وعيون بيقتلها السواد ومآسى اقوى م البشر علشان عيونك يا وطن لازم نكافح فى البلاد ونطفى فى ترابك شموع دانت الامل لفيت بلاد الله وعديت البحار ولقيت هناك طعم الحياه طعم المرار قالوا الفلوس يا بن الحلال قلت الوطن وسمعت ضحكه من بعيد وصرخه بتهز الجدار قال لى انت فاكر يا ولد قطر الصعيد وسفينة الموت"السلام" وكمان نسيت حجر الدويقه واختفت ليه الحقيقة يا عم سمعنى السلام ولسه بقولى الوطن دا الصمت احسن م الكلام ياما ناس بيقتلها السكوت وناس بيحبسها الكلام حتى المراكب فى عيون النيل بتحلم بالامان والنخل واقف من زمان شاهد على ولاد الحرام ما تقولى ايه معنى الوطن؟ حرفين تلاته ولا حفنه من تراب ومدينه تايهه من سنين فى سكة الحلم السراب فيها الشوارع والبيوت والركام حتى الخراب وجبال تموت فوق الدويقه والبشر تحت التراب ما تقولى ايه معنى الوطن؟ حرفين تلاته ولا زنزانة هوان كل الشوارع والدروب صورة عنابر فى الليمان وكمين فى آخر كل حاره وكمين هناك فى المزلقان اوعاك تعدى وف ضميرك كلمه اكبر م السكوت نظره اهون من بيوت العنكبوت حلم اكبر من رغيف العيش وحبة برتقان هتروح فى عين الشمس ولا حد يعرفلك مكان بصيت لقتنى جنب منى شهرزاد وعيونى تاهت فى بلاد السندباد قالت خلاص يا بن الحلال انا قلت بكره فيه جديد قالت محال قلت الامل قالت خيال بكره نشوف يا شهر زاد قالت سلام
موضوع: رد: "تحكى لمين يا شهر زاد" 2010-05-02, 6:39 pm
كلام اجمل مافية البساطة والسلاسة بس رغم كدة فية بلاغة ومواطن جمال كثيرة واعتماد على قواعد اللغة والتشبية والاستعارة المكنية
هاشم فتحي فنان جديد
برج العضو : الرصيد : 1العمر : 49العمل : باحث المزاج : تمام الخبره : 15/12/2011 النقاط : 9451
موضوع: رد: "تحكى لمين يا شهر زاد" 2011-12-16, 4:33 am
السلام عليكم الرجاء من الاخ الشخصية الهامة لما ينشر قصيدة ينوه للمؤلف ولا يدعي انه صاحب القصيدة انا الشاعر هاشم فتحي او هشام فتحي صاحب القصيدة والقصيدة منشورة في ديوان لي بعناون قلبك كبير كما يمكن القارئ ان يبحث في جوجل وهيعرف القصيدة لمين شكرا لكم
الرصيد
الخبره : 
النقاط : 
موضوع: "تحكى لمين يا شهر زاد" 
2010-04-29, 1:38 am
