antem
شخصيه هامه
برج العضو : 
 الرصيد : 679
العمر : 40
العمل : محام
المزاج : حسب الاحوال
 الخبره : 25/03/2010
 النقاط : 12042
 |  موضوع: مبروك .....(Queen)  2010-04-27, 10:37 pm | |
| مبروك ......
ونفسي الناس تقولهالي
ويدق بابي صحابي وياعٌزالي
مقفوله عني البيبان
بيني وبين ناسي
وغربتي هيه الجليس
وفى الجروح آسي
وباقي ست ساعات
ويعلقوا الفرحه
على المداخل تنور
وفى قلبي انا جارحه
قاعد صريع غربتي
مكتوف أياديني
كان نفسي أكون جنبها
أهدي لها الطرحه
واقول أخوكي
فى وقت الفرحه
قدامك
يمسح دموع فرحتك
لما تفارقي البيت
واقطف زهور وحدتي
وانده بعلو الصوت
كان نفسي اشوف عمي
واقف على بابنا
وياه ولاد عمي
بتضمهم دارنا
نغم الصبايا قصاد الفرن
يطربنا
وافرد فى قلبي حصير
البهجة مستني
لكل من جه يشوف
الفرح .... ويهني
وادعي القريب والغريب
ومفيش غريب عني
وكل من جه يقول
مبروك وشرفني
هرفع مقامه فوق
وأشيله فى النني
ياأبويه نفسي تكون
راضي .. وتعذرني
منعاني والله الخطاوي
وانتم بعيد عني
تنفخ فى روحي الحياه
من دعوتك خيري
وتندبح لو تشوف
الزفة من غيري
تسمع لقول الناس
بالحسرة تتمرر
وفـــ وسط درب الدفوف
الدمعة تتحرر
وأمي فضلت على دا الحال
تقول بخته
أبني ... وضنايا ... الوحيد
ميخدش أيد أخته
دقيق فطير الفرح
دايب بدمعتها
وتحس نور الكهارب
اللي بباب بيتها
والع كما الجمر
يحرق قلب فرحتها
ياأمي حملك عليه
دا البعيد مملوك
مش غاوي لم الدراهم
أو بيهوى الشوك
ولاناسي كلمة زمان
كتفك ف كتف ابوك
ولا سهل يبعت جواب
يكتب عليه......
مبـــــــــروك . | |
|
أفندينا
فنان نشيط
برج العضو : 
الرصيد : 278
العمر : 40
العمل : دى جى مان
المزاج : إجتماعى
الخبره : 22/03/2008
النقاط : 12600
| | موضوع: رد: مبروك .....(Queen) 2010-04-29, 9:24 am | |
| | |
|
Enchanting pop
شخصيه هامه
برج العضو :
الرصيد : 628
العمر : 39
العمل : Graff Man
المزاج : معتدل
الخبره : 14/03/2010
النقاط : 11709
| | موضوع: رد: مبروك .....(Queen) 2010-05-02, 8:16 pm | |
| ياة بالفعل العنوان مغاير تمام للنص
العنوان مبروك والموضوع كلة الم وجراح ودمو ع صحيح مفيش حاجة تساوى وجود اخ جمب اختة فى يوم الفرح
| |
|
