مزاج حكومى مدعم ( اتكيف وادعى للحكومه )

قاعد بتفرج على التليفزيون في امان الله

على الحياة اليوم الاقيهم بيقولوا
وزارة الزراعة تتحفظ على ١٣ ألف طن ذرة لاحتوائها على بذور «القنب» لإنتاج مخدر «الحشيش» كانت مستورداهم من اوكرانيا

اقلب على معتز 90دقيقة الاقيه بيقول نفس الكلام

معقول!!!

طب و يا ترى ال 13الف طن دول فيهم كام طن قنب و كام طن درة
يعني هل هي قسمة العدل ولا زى كل حاجه ماشيه فـ البلد ومفيش عدل
( مجرد سؤال )

طبعا تغلبت على شيطاني
و قولت اكيد ان الحكومة جايبة الدرة دة و حتعمل بيه اكل مدعم
و كمان تنافس تجار الحشيش الجشعين بعد توزيعها للحشيش المدعم
او يمكن بتساعد الشعب يعمل دماغ عشان لما يضرب دماغه في الحيط ما يحسش بحاجة
( مجرد تفكير )

الغريب ان اوكرانيا بتزرع درة او قمح لدرجة ان علمها نصه اصفر رمز للقمح و نصه ازرق مش عارف رمز لاية
لكن مش اكيد الحشيش لان الحشيش مش ازرق
(مجرد استنتاج )

لكن الغريب انها مش مشهورة بزراعة الحشيش
يعني لو الشحنة دي جاية من افغانستان مثلا اقول ايوة فيها حشيش و افيون كمان
لكن ايه اللي جاب بذور الحشيش في بذور الدرة الى اوكرانيا

هل هي طريقة تهريب جديدة للمخدرات
( ليه لاء كل شئ جايز )

طب و بعد الدرة ما بقت محششة
العيال اللي بيشوا درة في الشارع حيشوه عيني عينك كدة و الا شوي الدرة حيبقى في الغرز و القهاوي و اماكن التعاطي
( سؤال تانى بيطرح نفسه )

هل ممكن البوليس يقبض على واحد بياخد حقنة درة !!
او بيشم دقيق درة
هل الدرة حتضاف لجدول المخدرات

اسئلة لازم نعرف اجابتها قبل ما نقدم على ادمان الدرة
مش كدا ولا ايه

بس بردو لازم نشكر الحكومة لانها بعد ما جابت القمح المسمم
جابت الدرة اللي حيخلينانعمل دماغ و نبطل صداع


شكرا يا حكومه

مقروض الى يتحفظ على البذور دى اداره مكافحه المخدرات وشكلها ياعم دى ابتكار جديد لدخول البزور بطريقه شرعيه من بزور الذره وبعد كدا هما الى هيعرفو كام طن ذره وكام طن قنب لما يزرعوها ويحصدو فيها كل دا بيدل على وجود دماغ متكيفه على الاخر فى مصر بيعرفو ازاى يدخلو المخدرات لمصر بعد لما قفلو ادامهم الحدود بالضبه والمفتاح بس بعد لما تاكل رغيف عيش او اى حاجه مدعه من الحكومه اتكيف او اوهم نفسك انك متكيف وعيش الدماغ وخليها فوق وشيل الصداااااااااااع من راسك يعم