أشهر 40 كدبة يقولها الولد للبنت

أشهر 40 كدبة يقولها الولد للبنت

1-بصراحه انتى تستاهلى واحد احسن منى : يقولها الولد وعينه فى الأرض وبيحاول يبان بصورة الفارس المضحى اللى ممكن يسيب حبيبته لواحد تانى احسن منه يقدر يسعدها.

2- المشكله عندى مش عندك.. انا مش حابب فكرة الجواز: يقولهالك الولد ويبقى جواة عارف انه ممكن يتجوز بكرة الصبح بس واحدة تانيه غيرك

3- اهلى ضاغطين عليا علشان اتجوز بنت عمى او بنت خالتى او بنت الجيران: هوا متخيل انك ممكن تصدقى اننا واحنا فى سنة 2010 ممكن حد يصدق ان فيه ولاد اهاليهم بيجوزوهم غصب عنهم

4- خلينا اصحاب احسن : قوليله له وانتى ماشيه وسايباة ان عرضه نوع من البقشيش العاطفى لا ترضاة اى بنت عندها كرامه

5- علاقتنا مافيهاش كيميا: قوليله وليه سمحت لعلاقه مافيهاش كيميا انها تبتدى اصلا؟؟

6- مش هاقدر اكمل معاكى لأنى لقيت الإنسانه اللى كنت بدور عليها: ماترديش بلسانك ومش هاقولت تردى ازاى!!!

7- انا مش قادر احبك زى مانتى بتحبينى

8- انا مش عايز اظلمك معايا انا لسه قدامى وقت علشان اكون نفسى

9- انا هاقفل دلوقت علشان داخل على لجنه

10- معلش الموبايل فصل شحن

11- كنت قافل الموبايل اصلى كنت فى مييتنج

12- مارديتش اصلى كنت عند المدير

13- مارديتش كنت سايق

14- انا فى الطريق بس الكوبرى واقف

15- مكنتش قافله بس كنت فى حته مافيهاش شبكه

16- لا والله كلمتك امبارح بس موبايلك كان مقفول: ولو اصريتى انك ماقفلتيهوش هايقول الله يخرب بيت الشبكات البايظه دى.

17- واحد يتصل بيكى ويقولك مساء الخير لو سمحتى انا لقيت عندى ميسد من الرقم دا

18- مابتصلش علشان واقفين عنى الخدمه لحد ما ادفع الفاتورة او مش معايا رصيد لو كارت

19- طيب كنت قافل موبايلك ليه يقولك كنت فى عزا ابو واحد زميلى

لما يحب يقفل معاكى فجأة لو هربان منك وكلمتيه من نمرة غريبه ورد عليكى: بصى لو الشحن فصل هاكلمك تانى.. تيت تيت تيت وطبعا معروفه انه لا الشحن خلص ولا هايكلمك تانى

20- عقلك اكتر حاجه عاجبانى فيكى: غالبا بيقولها لواحدة وحشه

21- على فكرة انتى اكتر واحدة فهمتنى فى حياتى كلها: قصدة اكتر واحدة عرفت اسيطر عليها

22- لسه جميله زى اول يوم شوفتك فيه

23- عمرى ماهازعلك فى حياتى

24- انا مستعد اتجوزك دلوقتى حالا : تظاهرى بالموافقه الجريئه لتكتشفى مدى عمق الكذبه

25-لما ببص فى عنيكى مبقدرش اكدب عليكى

26-عندك اجمل عنين فى الدنيا: يقولها مع كثير من التسبيل

27-لعلمك الإختلاف اللى مابينا هوا اللى هايقربنا من بعض اكتر

28-حتى وانتى عندك 80 سنه هاتفضلى جميله وهافضل احبك

29- بينا حاجه حلوة مش عارف هيا ايه: بداية التلميح

30-صدفه غريبه, عايز اقولك انى انا كمان مابسمعش غير فيروز: فقط اسأليه عن اسم اغنيه واحدة لفيروز بتعجبه لتكتشفى ان اخرة فيروز توت

31- معاكى بحس انى طفل من جديد: يقولها لأنه عارف انه بيلعب

32- دى مجرد صديقه تصدقى انى حتى مش فاكر اسمها.

33- اهلى بيموتوا فيكى وماما نفسها تشوفك

34- عمرى ما هاتضايق انك بتقبضى مرتب اكبر من مرتبى

35-انتى اتجننتى؟؟ اعرف واحدة غيرك؟؟: وبينه وبين نفسه واحدة بس؟؟

36- اول واحد حبيتها ماتت فى حادثه/ اتجوزت وسابت مصر/ خانتنى مع اعز اصدقائى/ اهلها رفضونى: اى حاجه تقطع القلب وخلاص

37- صدقينى لما اقولك ان كل حاجه ماشيه صح

38- يا حبيبتى اعملى اللى انتى عايزاة: لما يكون اللى انتى عايزاة هوا اللى هوا عايزة

39- ماعنديش مشكله فى فرق السن اللى مابينا

40- مش هاينفع تيجى معانا الخروجه كلها رجالى

كل الكلام ده مظبوط لكن اتحداكى لو فى بنت واحده خدت درس من الموضوع ده

هههههههههههههههههههههههه

كلامك صح يا صدفه هما 40 كدبه بس يقولها الولد للبنت

بس لو جينه نشوف كام كدبه بتقولها البنت للولد يعدى عن الف كدبه

احنا فى زمن العجائب الست بتشتغل والراجل قاعد يطبخ فى البيت

المراه هى الى امشيه البيت حرام عليكم بقى

كل شويه تقول الشباب بتضحكو على البنات الشباب بتضحكو على البنات

لعند ما خلتو الراجله تقعد فى البيت

وعلى فكره احسن من على سهوه

انتى فله

تقبلى مرورى

اعقل يا محمد ياحاوى وماتتكلمش عن البنات وحش

أشهر 40 كدبة يقولها الولد للبنت 18306189651013307539

ههههههههههه عندك حق يا توته ماينفعش محمد يتكلم عن البنات بطريقه مش كويسه هما النص الحلو بس مش حلو اوى يعنى نص فيه نكد وفيه غم ومشاكل بس يالا مقدر ومكتوب وعلى فكره وممكن الراجل ينسى اى حاجه ممكن ينسى همه ممكن ينسى ورد شمه ولاكن ميقدرش ينسى حبيب طلع عين امه

اقتباس :

اعقل يا محمد ياحاوى وماتتكلمش عن البنات وحش

هههههههههههههههههه

ليه انا اهبل ولا حاجه

وعلى العموم انا مقدرش اصلا اكلم على البنات وحش

ده البنات دولى اجمل ما فى الكون

ومتزعليش يا توته انا كنت بهزر

الواحده مننا بتموت فى اللى يضحك عليها

تقبلوا مرورى

شكرا على الموضوووع الجميل دا

بس عايز اقول لحضرتك حاجة

انتى ذكرتى الشاب انة بيكذب وفعلا ما فى انسان خالى من الكذاب

ليش حضرتك ما ذكرتى البنت

انة دايما ومعزرتنا فى المقولة دى
ان البنت هيا ال بتكذب

بتقول مش هعيش غير بيك

انت كل حياتى
انا من غيرك ما اسواش فى الدنيا حاجة
انت شمسى وانت ضلى

لية ما ذكرتى البنت

شكرا لكى ومعلش يمكن كلامى يضايقك ولا حاجة انا اسف

وتحياتى لحضرتك

[/size][size=24]ههههههههههههههههههههههههههه

كثير شي حلو

يسلم الايادي

تحياتي

ههههههههههههههههههه

عندك حق
__________________
مش من السهل تلاقي حد يريحك.

ولو بيحبك ممكن جايز يجرحك.

اما يجي مره يحاوول يفرحك......يرضي حلمك بكلام بكره هيجرحك.

» اسئلة حساسة للبنت و الولد جاوب بصراحة
» 10 اكاذيب يقولها الرجال للنساء
» كلمة احبك من يقولها بصدق؟؟؟؟؟؟؟
» ما رايك فى ترك الحرية للبنت فى الدخول والخروج
» أشهر 20 بنتًا في مصر