الفرق بين الحب والاعجاب

موضوع: الفرق بين الحب والاعجاب 2010-01-16, 11:17 pm

كتييير اوى بنخلط بين الاعجاب والحب الحقيقى
اكيد كلنا مر فى حياته شخص كان فاكر انه بيحبه ولكن
اتضحله بعد كده ان ده كان مجرد اعجاب
او حصل انه اعجب بشخص اوى وكانت مجرد فتره فى حياته
وسابه واتضحله بعد كده انه هو الحب الحقيقى اللى كان بيدور عليه
فتعالو نشوف ايه هو الفرق بين الحب والاعجاب من وجهه نظرى

الاعجاب
هو لما تنجذب او تعجب بصفات معينه فى شخص تعرفه وبتتعامل معاه او حتى بتشوفه من بعيد
ممكن تعجبك طريقه كلامه او طريقه تفكيره او خفه دمه او نظرته لمستقبله اولشخصيته الممتازه وبالتالى بتشوف الكثير من مميزاته فبيحصل انك شعور قوى بالاعجاب بيه لدرجه ممكن تخليك تخلط بين هذا الاعجاب وبين الحب
ولكن اللى لازم نعرفه ان الاعجاب ده يجب ان يكون مرحله من مراحل الحب الحقيقى
والعجاب ممكن يكون فى حياتنا العامه يعنى ممكن ان نعجب بشخصيه معروفه فى المجتمع وبالتالى ممكن ان نعجب باكثر من شخص فى وقت واحد
واحيانا يتوهم الشخص عندما يحس بشعور الاعجاب تجاه شخص اخر ويظل يهتم بهذا الشعور حتى تصل لمرحله انك تتخيل شى وهمى فى عقلك وتتخذ بناء عنه خطوه مش فى فمكانها

الحب الحقيقى
اجمل احساس ممكن تحسه او تعيشه فى حياتك وهو عباره عن شعور بتحسه ناحيه شخص معين ومتعرفش ايه السبب لانها غريزه وضعها الخالق فى قلوبتاوبتقدر انك تعبر عنها فى حرفين بس هم ح ب
وعشان تتاكد ان حبك ده حب حقيقى مش مجرد اعجاب وخلاص لازم تمر بجميع مراحل الحب الطبيعيه
اولا الانجذاب العاطفى
ان انت مجرد انك تحس انك منجذب للشخص ده وحاسس انك بتهتم بيه وبتهتم تعرف اخباره اكتر من اى حد تانى

ثانيا الاعجاب
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى
ثالثا بدايه الحب
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه وعايزه يبقى معاك علطول
وهتلاقى فى الفتره دى بتحاول تخلط المواقف اللى تجمعكوا ببعض وتلاقيك بتستنى حتى الصدف اللى تجمعكوا
يعنىعاده فتره بدايه الحب بتبقى قمه فى الرومانسيه وبعيده عن الواقع ومشاكله وعيوبه
الحب الحقيقى
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه
هيحصل فى المرحله لحظات فرح كتيير ولكن هتظهر لحظات الزعل من الشخص اللى معاك لما تحط ايدك بجد على عيوبه لكن طبعا هتحاول من جواك انك تعديهاواكيد هيحصل بينكوا خناقات لكن متخافوش فى المرحله دى بتبقى دليل على الحب الحقيقى
واذا قدر كل واحد فيهم انه يتحمل عيوب اللى قدامه ويقدر انه يمتصها ويخليها تبقى مجرد لحظات وتعدى وكانها لم توجد هو اللى هيقدر يحافظ على حبه
ولو الواحد قدر يمر بالمراحل دى فى حبه فانشاء الله الحب ده حب حقيقى ميه فى الميه
وعلى فكره ممكن انك تلاقى الحب الحقيقى فى حياتك وممكن متصادفهوش فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل .

يااااااااااااااااااااااااااااااااارب كل واحد فينا يلاقى الحب الحقيقى

وطبعا عايز اعرف رايكوا بجد فى الكلام ده ورايكوا فى الفرق بين الاعجاب والحب الحقيقى

هو كلامك كله مظبوط يا استاذ محمد

لكن بختلف معاك فى حاجه وهى ان الحب حب والإعجاب إعجاب

قاهر مملكة السحر

ميرسى اوى يا قمر على الموضوع الاكتر من هايل

بالنسبة ليا تقريبا كل حالاتى اعجاب ومفيش حب للاسف

ربنا يوفقك ويبارك فيكى

ومرة تانيه ميرسى كتيييييييييييييييييييير

ابليس مالوش فى التهليس

لنتجه الي بعض من المنطق و الفلسفه الايجابيه
دلوقت حضرتك قلت ان الفرق بين الحب و الأعجاب انه الحب شعور تجاه شخص من غير سبب يعني هنا انقطعت دائرة المنطق يعني العقل وقف .

و كلنا يعلم أن الله ميز الإنسان بالعقل
بيتهيالي ان كل المعلومات متوفره لطالب الرياضيات عشان يمارس هوايته في الاستنتاج الرياضي
أو لطالب المنطق بأن يطبق جبر بوليان
معني توقف العقل ان الانسان تحول في لحظه معينه الي حاجه تانيه غير الأنسان

و لي رأي بسيط في الحب بأعتباره قرار زي أي القرارات الأنسانيه
دلوقت أي قرار انساني بيتأثر بقوتين العقل و القلب و من الطبيعي و المنطقي أن نسأل ما المؤثرات اللي تؤثر في العقل و القلب
العقل - طبعا مقصدش من الناحيه الماديه كعضو من الجسم - و لكن كوحده منطقيه متقدمه يتأثر بالأفكار و طرق التفكير المكتسبه من الطبيعه حولنا و الطبيعه تشمل الأسره و كل المعاملات الأنسانيه أو غيرها
و القلب بيتهيألي بيعبر عن النفس يعني مثلا ما تعود عليه الانسان او ما يراه الانسانعند غيره لكن منطقه الشخصي لا يسمح له به
باختصار مفهوم القلب تطبيق لقاعده الممنوع مرغوب
و لكن لنري ما فعل السابقون فقد امتلأ قلبهم بعبادة الله لأنهم كانوا بيطبقوا الأيه "سنريهم أياتنا في الأفاق و في أنفسهم حتي يتبين لهم أنه الحق " فمن سار في الأرض و نظر وجد أيات الله تملأ عقله و فكره ومن ثم لا مفر أمام النفس او القلب الا ان يحب في الله

و حيث اننا لم نعد نهتم برئية الأيات فعلي الأقل نضع وصايه علي القب و ليكن العقل وصيا علي القلب
سئل حكيم من الأحمق قال من يشرب السم علي سبيل التجربه و لو فكرنا شويه هنلاقي ان برده سلسلة المنطق انقطعت بنفس الطريقه
أنا لا أحاول أن اجد تشابه بين السم و العلاقات العاطفيه و لكن احاول ان اوجه عقل قاريء الرد الي سؤال ما>ا سيجني شارب السم كي يجرب
و السؤال المشابه ما>ا ستجني من الحب ا>ا كان هو فعلا شعور مجهول سببه؟

تقبل مرورى

ودعنى اعود من حيث اتيت

» الانسان قبل الحب وبعد الحب وعند الحب !!!
» الفرق بين الحب والاستلطاف
» الفرق بين الحب وألأعجاب
» ما هو الفرق بين الحب والصداقة
» الحب والعشق كلمتان ما الفرق