الجواز قسمه ونصيب

موضوع: الجواز قسمه ونصيب 2010-01-06, 10:48 pm

مقدمة :
مثل كثيراً ما يتردد على مسامعنا ، الجواز قسمه و نصيب و محدش بيتجوز مرات حد و كل واحد بياخد نصيبه و الكلام دا كله...
طبعاً دا كلام جميل لكن محتاج إضافة صغيرة ان كل واحد وواحده مقدمين على مشروع الزواج يجب عليهم ان يجتهدوا قدر طاقتهم ليقوموا باختيار سليم بتوفيق من الله بإذنه،

فلابد ان يعلموا انه من يتعب أولاً يرتاح أخيراً ،و من يأخذ بأسباب النجاح يساعده الله على الاختيار الأنسب ( إلا إذا كان إبتلاء من ربنا لعبده فدى حاجه تانية لكن انا بتكلم عن الأصل)
فلابد ان يؤمنوا بذلك قبل ان يخوضوا بحر الأختيار حتى ترسو سفنهم على شاطىء السعادة الزوجية و الاستقرار الزوجى.
خلينا ندخل فى الموضوع علطول من غير لف و دوران كتير، ما دفعنى لكتابة هذا الموضوع ان كثير من صديقاتى مقدمات على تجارب زواج او مشاريع زواج و أشعر انه عموماً بيبقى فى تساؤلات كتير و خصوصاً اذا كانت البنت الاولى التى تتزوج فى العائلة فياعينى بتبقى حقل تجارب و بتبقى متلخبطه و مش عارفه تتصرف ازاى و المفروض ايه يحصل ازاى و امتى؟؟ و اوافق ليه و ارفض ليه و اعمل ايه ؟؟ و هكذا و أسألة كثيرة أخرى و أعتقد ان التخبط دا أحيانا ممكن يبقى كمان عند بعض الشباب.
فقررت انى اعمل سلسلة تدوينات كدا على قدى - و ربنا يجعل فيها الفايدة- تبقى زى مساعدة بسيطة لكل مقدم و مقدمة على مشروع زواج و نمشى الموضوع خطوة بخطوة لغاية ما نتكلم باذن الله عن السعاده الزوجية بعد الزواج كمان.
طيب انا هستعين بأيه فى كلامى ؟؟ هستعين بالتجارب سواء ما رأيت من تجارب لمن حولى و ما قد أكون شاركتهم فيه من تجارب أو ما ممرت أنا به شخصياً أو ما قرأته و أفادنى أو ما قراته متأخراً و لكنى أعتقد انه كان سيفيدنى أو ما حضرت من دورات افادتنى كثيرا فى هذا الموضوع.
و أيضاً أرجو أن الناس المتزوجين أو اللى عندهم تجارب هيقدروا يفيدونا بيها يساعدونى فى دا و يبقى ليهم الثواب بإذن الله.
نبدأ بقه عشان كدا المقدمة طولت اوى و زمان دمها بقى تقيل
طبعاً الموضوع كبير فبإذن الله نعمله على أجزاء.
خلينا بقى فى الجزء الأول نتكلم عن إتخاذ قرار الزواج ...
بس فى الأول حاول و حاولى تكونوا متأكدين انكم عندكم استعداد تتعبوا شوية فى الاختيار او التأكد من اختياركم و تكونوا متأكدين تماما ان دا هيفرق معاكم كتير بعد كدا
و والله التعب دا مش تعب أوى يعنى بالعكس بيبقى تعب لذيذ فى كثير من الأحيان.
عموما ربنا يوفقكم مبدئياً و هاهى النقاط التى سوف نتكلم حولها
1- قرار الزواج لماذا ؟
إذا وجدت عمال يعملون

فسألتهم:ماذا تفعلون.؟؟
فيجيبونك ببساطة : ليست لدينا أدنى فكرة !!
ثم تسألهم : ماذا تقول رسومكم الهندسية ؟؟
فيقول ملاحظ العمال : ليست لدينا رسوم ، لكننا نشعر بأننا اذا استثمرنا مهارتنا وحرفتنا فسنبنى شيئا جميلا. دعونا الان نعمل كى ننتهى ونرى ما اذا كنا سنعرف ما الذى بنيناه !!
انهم لا يعيشون الحياة بل الحياة هى التى تعيشهم!!!
عاوزه اقول ايه ؟ عاوزه أقول إنك إذا عرفت هدفك سهل عليك أن تختار من ستحقق معه هذا الهدف.
فمثلاً إذا أردت أن تنشىء شركة فقبل أن تختار شركائك يجب عليك ان تعلم جيداً ماذا ستفعل هذه الشركة حتى تستطيع ان تختار شركاء مناسبين.
فيجب عليكى او عليك ان تجلسوا مع أنفسكم لتعرفوا أمرين بوضوح تام ،و هما
لماذا أتزوج؟؟
هل لأنها سنة الحياة و خلاص أم لأن الزواج احتياج طبيعى للإنسان أم بالإضافة إلى ذلك اريد من يشاركنى حياتى و افكارى و سعادتى و حزنى ومشاريعى و يخوض معى خضم الحياة لاكون اكثر قدرة و قوة فى أدائى و أقوم بدورى بكفاءة فى تعمير للأرض و استخلافى فيها أم ماذا ؟
يجب على ان أحدد بوضوح لماذا اتزوج ؟
و الشيىء الآخر هو أن احدد بوضوح أيضاً ما هى مواصفات من أحتاج شريكاً لى لأحقق هدفى من الزواج و هدفه هو الآخر الذى لا بد أن يتلاقوا و يندمجوا فى جزء كبير منهم.
لا بد ان تكون لى توقعات واضحة من أسرتى التى سأكونها بإذن الله و تتلاقى توقعاتى مع توقعات شريك حياتى حتى نستطيع جعل هذه التوقعات تصبح حقيقة.
دلوقتى انا عرفت انا بتجوز ليه و ايه مواصفات من سيشاركنى حلمى و توقعاتى و كل حاجه تمام. و قررت ان اتزوج و اكمل نصف دينى اعمل ايه بقى ؟؟
لو أنتى متقدملك حد و عاوزه تحددى اذا كان مناسب او لأ ؟
او انك متقدملك كذا حد و عاوزه تختارى منهم ؟
او انك عاوزه تبقى مستعده نفسياً عشان وقت ما يتقدم حد تقدرى تتعاملى مع الموضوع بشكل كويس.
و لو أنت:
معجب بواحده و عاوز تتقدملها
او انك عاوز تختار اى واحده مناسبه ليك بطريقة كويسة
او انك مفوض حد يدورلك على حد مناسب عشان انت مش لاقى فى الدايرة اللى حواليك حد مناسب ليك.
تابعونا فى الأجزاء الجاىة عشان هنتكلم عن الإختيار و بداية الرحلة
هنتكلم بإذن الله عن :
- كيف اختار ؟
- موضوع القبول ؟؟
- موضوع السن ؟
- ماذا أفعل قبل اول لقاء ؟؟
- نصائح عامة.

و بعد ما نخلص النقاط دى نتكلم بإذن الله عن أول لقاء و لقاءات التعارف و مرحلة الخطبة و نكمل بعدها ان شاء الله.
و ربنا يرزقكم كلكم زواجاً سعيداً و حياة زوجية مستقرة.

موضوع: رد: الجواز قسمه ونصيب 2010-01-07, 11:32 pm

الاكابر الاساس ومحيره كل الناس

جزاك الله كل خير

محمد الحاوى

موضوع: رد: الجواز قسمه ونصيب 2010-01-08, 5:19 pm

نعم ياتيرو الجواز قسمه ونصيب

موضوع: رد: الجواز قسمه ونصيب 2010-01-08, 8:59 pm

الجواز قسمه ونصيب

وده شي اكيد

جزاك الله كل خير

الاكابر الاحساس محيرة كل الناس

اسألوا

الحاوي الشاعر ايناس

موضوع: رد: الجواز قسمه ونصيب 2010-01-09, 7:21 pm

عزيزى تيرو

موضوعك جميل جدا
وياريت تتواصل معان بموضوعات أكتر وأكتر

شـــاكرة لك ..

-بأنتظـــار جديدك المميز-

كل الـــــــــــــود
بنت من الزمن ده

موضوع: رد: الجواز قسمه ونصيب 2010-01-10, 8:32 pm

شكرا للمرور

» هل الحب زى الجواز اسمة ونصيب
» هتعرف الحاجات دى بعد الجواز؟؟؟؟؟؟؟؟
» قسمة ونصيب
» قلنا الجواز ودلوقتى الطلاق
» منة شلبي تؤكد: كل شئ قسمة ونصيب