بحبك ...بحبك...بحبك....بحبك...بحبك...وهبتك نفسى ..وهافضل احبك !!!!!!!

بحبك
ياهدولتي

...بعشقك...دايب انا فيكى
باشوف بعينيكى ...بافكر بعقلك ..عايش بقلبك ..بحس بكل حاجة بيكى
انتى سر حياتى وفرحتى و كل عمرى
حبى ليكى مش مجرد كلام ..مش حبة حروف
حبى ليكى مايتوزنش ..مايتحسبش..حبك كل حياتى
حبى ليكى احلى ما فيا
بقيتى عينى اللى باشوف بيها ...قلبى اللى باتطمن لية ..روحى اللى باجرى عليها
بحس بامان الدنيا كله معاكى ...امان امى و حنان حبيبتى ورقة بنتى
ملكتى كل حاجة فيا ...انا ماملكشى حاجة فى نفسى
انتى ملكة حياتى و وفرحة عمرى وكل حاجة فيا
هاعيش احبك عمرى كلة
هاخلص ليكى بكل ما فيا
ممكن اهديكى نفسى ؟
ممكن اديكى كلى ؟
اى فرحة فى حياتى سببها انتى ..كل نجاح فى دنيتى ملكك انتى
بحب خوفك عليا ...بادوب فى ضعفك فيا
اتخلقت علشان اكون ليكى ..علشان احبك واخاف عليكى
بقيتى نقطة ضعفى ...بقيتى قوتى وضعفى
بتقوينى فى عز ضعفى وتفرحينى فى عز زعلى
قبلك كنت وحيد ...يتيم...مفيش فرحة تدخل قلبى
ولا بسمة تترسم فى عينيا
بعد ما حبيتك....حبيت حياتى...حبيت حياتى علشان انتى ملكة حياتى
كنت محتاجك ...كان نفسى فيكى ..كنت بادور عليكى
من غيرك اضعف ...اتكسر ...أموت يا مارو
عمرى بيتحسب بكل كلمة حب باقولها ليكى
بكل احساس باعيشة معاكى
بكل حاجة بتروح منى ليكى

هدولتي

انا بحبك ....بحبك اوى ..مقدرش اعيش من غيرك
انا عايش بروحك ...وقلبك ...ونبضك ....وكل حاجة فيكى
ماتاخديهمش منى ..خليهم معايا عمرى كلة
ماتسيبينش لوحدى ...من غيرك مفيش فرحة ..مفيش حب ...مفيش حنان
محتاجك معايا عمرى كلة ...عايز اعيش معاكى كل لحظة فى عمرى
كفاية اللى ضاع ..كفاية اللى راح ..وانتى مش معايا
ضحكتك بتحيينى ...باسمع نبض قلبك حتى لو مش معايا
بحس بدقاتة فى حضنى وانتى جنبى
باغمض عينيا اشوف عينيكى ..بتكلمنى ..بتحكيلى ..بتشاغلنى
كل يوم باجرى عليكى ...اخدك فى حضنى ..ابتدى يومى بيكى انتى
بكل حاجة بتحصل فيا لما عينى تيجى فى عينيكى ..لما ايديا تحضن ايديكى
باخدك فى حضنى وانا نايم ..قلبى بيكلم قلبى
بادفيكى بيا انا ...يا كل حاجة فيا انا

هدولتي

....عينيا بتدمع ..دموعى بتتكلم
دمعة بتقول بحبك ...والتانية تسبقها تقول وحشتينى ..والتالتة بتقولى اننا لبعض
دموع فرحتى بيكى شهادة ميلادى ...كل الناس شايفاها
بس انتى الوحيدة اللى حساها
علشان اتولدت على ايديكى ..فى حضن قلبك
باحسد كل حاجة عايشة معاكى ..عينيكى بتيجى عليها
تعرفى نفسى فى اية ...نفسى اغمض عينيا
واحس بلمسة ايديكى على قلبى
احس بكل كلمة طالعة من قلبك
كل احساس روحى بتدية لروحك
اتعلمت الحب على ايديكى يا مدرسة حبى
عرفت الدنيا من ضحكة عينيكى ..يا نور عينى
باملك الكون وما فية و انتى فى حضنى
قلبى بيكلم قلبك ...وروحى بتسكن روحك
بحبك وعايشلك ومخلصلك من قبل ما اعرف اسمك
كنت عارف انك عايشة ...وانا عايش
مستنيانى ..وانا مستنيكى
محافظة على نفسك ..وانا محوش كل احساس ليكى
ودلوقتى اتقابلنا
مش هاسيبك ..مش هازعلك..مش هاكون غير ليكى
كل حاجة فيا بتناديكى ..نفسها فيكى ..بتحبك
بنكمل بعض
ياهدولتي

...بنكمل بعض يا تؤام روحى
هارضى ربنا فيكى .....حياتنا هتبقى واحدة
فرحتنا واحدة ...قلبنا واحد يا
هدولتي

شيلت قلبى وحطيتك مكانة ..راحت منى روحى ..وبقيتى انتى روحى
كلامى ما بينتهيش ...واحساسى ما بيروحش
كل يوم بحبك اكتر ..باتعلق بيكى اكتر..بادوب جواكى اكتر واكتر
انا بحبك ..ومش عايز غيرك ..وباقولها ادام الدنيا كلها
انتى حياتى ....كل حياتى ....اة وحياتى بحبك
وبحب نور ..وبحب ندى ...بحب ولادنا اوى
وبحب كل حلم حلمناة ..وكل حلم هنمسكة بايدينا
فرحة لقانا ...احساس وطعم حبنا ...بحبة اوى
بحب ضعفى فيكى ..وبحب قوتى بيكى
كل علامة رسمتيها فى حياتى
وكل حاجة علمتيهانى
وكل حاجة حببتينى فيها
عشقتها ودوبت انا فيها
بكرة هتكونى معايا
هاصحى على نور عينيكى ...ورقة صوتك...ودفا قلبك ...وحنان حضنك
واقولك بحبك ....بحبك.....بحبك
كلمة بحبك بتاخد كل حاجة جوايا وتطلع ليكى
بتنسينى اى تعب ..بتنسينى اى زعل
بتخليكى ادامى ومعايا ....انا مالكك وانتى مالكانى
بــــــــــــــــــحـــــــــــــــــــــــــبــــ ـــــــــــــــــــــــك
...........