انتمــــــــائك لأيه.....؟

الانتمـــــــــــــــــــــاء

لعدم ترسيخ الانتماء في قلوبنا كانت ايه النهاية
زمان ودلوقتي وبعدين وكل وقت بنسمع ان الوطن دا اهم حاجة في الدنيا نموت علشانها
وندافع بكل قوتنا ولاخر نقطة دم بتجري جوانا
كتير سمعنا عن حب الوطن وقرينا قصص وشوفنا افلام وسمعنا حاجات كتير على حب الوطن
معنى الوطن مهم اوي في القلوب قبل العقول
مش في حد قالنا الكلام دا احنا طلعنا لقينا نفسنا كده (كده اللي هو ايه متفهمش غلط قصدي اننا طلعنا على النقيض طبعا)
انتمائنا للوطن بيروح من بين ايدينا
على طول نشوف في طابور المدرسة الطالب واقف بيحي العلم بيردد كلام مش فاهمه اصلا
لو سألته هتلاقيه مش فاهمه يعني وتلاقيه واقف بالعافيه علشان اختاروه يحيي العلم اليوم ده
وده ليه علشان مش لاقى حد يفهمه واجبه ناحية وطنه وعمله ايه وفاده في ايه
ويعني ايه وطن
والله انا بحس ان كلمة وطن دي كبيرة لدرجة انك مش هتعرف تجيب معنى شامل ليها
المهم المدرسين كمان بقوا يتكلموا عن بلدهم باستهزاء
طيب دا بيكون ليه ؛ خلط في الامور يعني هو مش عاجبه حال بلده علشان كده اتكلم عنها بطريقة ساخرة
ولا هو مش عارف ايه قيمة الوطن ولا عارف معناها
وطبعا بسبب كده بنسمع عن سرقة اثار البلد وتهريبها
سرقة حاجات قيمة مش هتتقدر بفلوس خالص
سرقة الحاجات اللي بتحفظ تاريخ بلدك
طيب الانتماء للبلد وبيروح من بين ايدينا

طيب انتمائك للاصحابك وكل فترة وليها اصحابها
دا ممكن يكون اول يوم في الدراسة تتعرف على ناس كتير
وتحصل عملية انتقاء للاصحاب في اللي بيختار الاصلح منهم
اللي يناسبهم ، اللي شاف ان دماغهم واحدة

وفي بقى اختيار تاني
اعرف اللي ساكن قريب مني مثلا وهيفدني طبعا هنتسلى بقى رايحين جايين مع بعض
احسن ما امشي لوحدي بقى

وفي حاجة تانية
لو لاقيت بابا واحد منهم مدرس هيفيدني بقى هاخد درس ببلاش
توفير وهيعرفني على مدرسين تانين يكرموني علشان خاطر صدقيهم المدرس دا

وفي اللي بيختار واحد حالته كويسه يعيش على حسابه
وكتير تانين بقى

ولما يلاقوا حد احسن منهم شوية يسيبوهم ويروحوا للاحسن دا

يعني حتى الصداقة بتروح كمان وانتمائي لاصدقائي راح خلاص
مصلحتي اهم

وفي الانتماء للاهل
مش هقول مش بيحبهم
بس بيكون في الاحسن منهم عنده
يعني يفضل صاحبه عن اخوه ، يفضل بنت عرفها على اهله
ويروح يرتبط بيها بالعافيه من غير موافقه اهله
ويقول ما انا كده كده هبعد عنهم
وناسي ان اللي ما لوش خير في اهله مش ليه خير في حد تاني
ومش هيقابل خير من ناس تانية

يعني الانتماء والحب وقيمة الاهل بتروح كمان

كلنا عارفين معنى الانتماء درسناه وعرفنا في الاول ان الانتماء للاهل
وشوية وكبر الانتماء لما شمل اصحابنا
وشوية ووسعت دائرة الانتماء معانا لما دخل فيها المجتمع والوطن
وكلام كبير كده
عرفنا معنى الانتماء واهميتة واسبابه ومميزاته
وقصاد مصلحتنا فقدنا المعنى ده
الانتماء راح من عند ناس لمصلحة وبس
بحجة ان المجتمع الفاسد اجبرنا على كده
وبم ان الشيء بالشيء يذكر
هقول ان لفساد المجتمع عامل كبير لتدني الاخلاق
في حد هيصمد قدام كده ولا هيغطس في بحر الفساد وانعدام الاخلاق ومش هيطلع تاني
ومش يكون ليه انتماء لحاجة الا للمصلحة لنفسه بس يعني

طبعا انا مش بقصد الناس كلها انا قصدي نوع معين من الناس
بقت عايشه مش عارفة هى منتمية لايه
وبعد تفكير قالوا خلاص انا وبس

ايه رأيك بقى في حكاية الانتماء؟
ايه السبب في انه قل اوي من عند ناس معينة؟
ليه في ناس شايفه ان مصلحتها أهم حاجة مع انها بتكون على حساب
حاجات مهمة اوي هى اللي مخليه لحياته طعم ومعنى؟

انا مش قصدي ان الناس بقت وحشة
انا بس احترت لما لاقيت اشخاص نسيوا اهلهم ، نسيوا اصحابهم
نسيوا ان بلدهم ليها فضل عليهم

ومع ان الانتماء فطرة بس بتضيع من ايدينا
ومن غير بذل اي مجهود للمحافظة عليه

الكلام عن الانتماء دا مش هيخلص بس انا قولت اللي اقدر عليه
انت بقى هتقول ايه ؟
-------------------



كتـــــــــــــــــــــابة

وهو المطلوب اثباته

شكرا ليكي يانور

شكرا لاستاذ سيد

وواحد من الناس على ردك

وتوتة

ميرسي لكل اللي شارك

لصدفـــــــــــــــــة
واستاذ محمـــــــــــــــد
وكل اللي شارك