أين ذهبت....؟

ولا خلينا نقول احسن

كل واحد فينا بيعدي بمواقف حلوة كتير بتسيب فرحة وبتسيب ابتسامة
في وجه كل واحد بتسيب امل لوجود السعادة
حاجات كتيييييييييير حلوة بيتمر علينا

ومع كده بردو بنعدي بمشاكل كتير بتأثر فينا وبتأثر علينا
لما بتقابل خيانة من شخص قريب منك وتقابل غدر وكذب وخداع
وعدم اخلاص من اقرب ما ليك وكتير غيرها

ايه الاسباب اللي تخلي كل واحد يتعرض لمشكلة من اللي حواليه
في اللي بيسامح ويسكت وفي اللي يكون عايز ياخد حقة بأيده
وفي اللي يستنى الوقت المناسب علشان ينتقم من اللي هانه

انما الامم الاخلاق ما بقيت فأن ذهبت اخلاقهم ذهبوا

" الاخــــــــــــــــلاق ؛ القيــــــــــــــــم "


ايه هى الاخلاق والقيم اللي المفروض نحافظ عليها طول حياتنا
اللي المفروض انها تكون في ارشيفنا عمرها ما تضيع ولا تدارى لاي سبب
نحافظ عليها زي نظرنا ما هى اللي هتخلينا نشوف كل حاجة بعيون وردية


وهو الواحد ايه غير اخلاق وشوية حاجات فوق بعض
أخلاقك في ايه
في انتمائك لكل اللي حواليك
حبك الصادق ليهم : خوفك عليهم
وفاء واخلاص وصدق وتعاون وصداقة
ايه اللي خلى الحاجات دي تختفي من عند بعض الناس
وتبقى لغتهم الخيانة والغدر والكذب


حاجات كتير ليها معاني كبيرة مش هنقدر نشيلها بايدينا الصغيرة لكن هنقدر نستوعبها بعقلنا الكبير

اول حاجة هتكون معانا << الصـــــــدق >>

الصدق حاجة جميلة موجودة حتى لو كانت نادرة بس هى في قلوب ناس كتير
الصدق مش مجرد كلمة بتتقال الصدق اقوال وافعال

لازم يكون الصدق فينا نتميز بيه
الصدق بيزيد اصحابه خلق وشأنه بيكون كبير مع اصحابه بيكون صادق في كل شيء
بنشوف الصدق فيه قبل ما ينطق بيه يكون صادق في مشاعره لكل من حوله
مش بيتكلم ولا يقول حاجة لمصلحة شخصية
لما يوعد بيوفي علشان صادق

لكن الصدق ليه عدو كبير اوي وعدوه ده بيكون اول طريق انحدار الاخلاق
اكبر اعداءه هو << الكـــــــــــــــــذب >>
ناس كتير لونت حياتها بالكذب بقت مش قادرة تقول حاجة واحدة صح
تلاقيه يتكلم علشان يظهر نفسه وبس
ويقول الجملة المشهورة " انا لا اكذب ولكني اتجمل "
تلاقيه بيتكلم في حاجت مش عارفها اصلا
ويفضل يكذب وعلشان بيلاقي اللي يصدقه هيكمل في كذبه

الكذب وصل للمشاعر مس صميم الانسانية اللي المفروض نتسم بيها
لو مش علشان انت انسان يبقى علشان انت عربي ومسلم

الكذب طغى على الصدق حتى اصبحت لا يوجد مجال لحب حقيقي
لا يوجد ود ؛ لا يوجد اطمئنان
بقت المصالح الشخصية ، المادة ، شكلك بس قصاد الناس
هى المحركات لكل واحد منهم
اقصد اللي خدو الكذب شعار ليهم في الحياة

والسؤال
ليه الصدق بيتراجع مننا بعد ما كان حاجة بتميزنا؟وسيذهب بلا رجعه
ليه في ناس بتعيش مع الكذب مكان الصدق؟
ايه السبب في ضياع الصدق احنا ولا التربية الخاصة لكل واحد
ولا المجتمع ام ما يطلق عليه تطورات الحياة؟


موضوع غياب القيم كفكرة للامانة هى منقولة لكن الكلام اللي قولته مش منقول
واللي هنقوله مش منقول
هتكون مناقشة ايه السبب في غياب قيمة ما
وازاي نستعيدها ونحافظ عليها
كانت اول قيمة الصدق

ولو لاقيت قبول للتوبيك ومشاركات وارآء
يبقى انتظروني مع قيمة جديدة

طول ما انتي جنبي كل ما اشوف اسمك افضل اغني الاغنية دي

مع اني مش حفظاها

المهم

حلو انك مش جمعت كل الناس هما بعضهم فعلا

وكل حاجة من دي علشان المصلحة فعلا

مع ان ممكن كل حاجة تحصل زي ما احنا عايزين لو في امانة وصدق وحب بين الناس

واتكلم براحتك هو الكلام بفلوس

مفتاح الزيرو وافتح في الكلام عادي يعني

ان شاء الله تيجي رياح شمالية جنوبية

شرقية غربية ونكون احنا في النص كده ونتغرق اخلاق وقيم

شكرا لردك

والله احنا في ايدينا نرجع الزمن الجميل تاني

بكل حاجة جميلة فيه

شكرا يادلوعة

وشكرا طول ما انتي جنبي

ريهام

سمر

اميرة العذاب

وان شاء الله نتكلم تاني في قيمة جديدة

ربنا يرحمنا ان شاء الله

ويهدينا ويبعدنا عن اي صفات وحشة

شكرا للرد