اعتذار ........وتنويه

موضوع: اعتذار ........وتنويه 2009-05-15, 9:07 pm

اخوانى مدير ومشرفين واعضاء المنتدى

مبدئيا اقسم بالله الذى لا اله الا هو انا ما اعرف اى شىء عن اللى انكتب من الاخ البروفسير الا بعد صلاه الجمعه اليوم ومن اللحظه اللى قلت انى هانسحب بهدوء كنت قاصد كل حرف فى الكلام وانسحبت بمنتهى الهدوء بعد ما طلبت الموضوع يتحذف وباشكر الاستاذ المحاسب لتلبيه رغبتى

واما دخلت ولاقيت المكتوب فى موضوع الرابطه زعلت جدا ومش شعرت للحظه واحده بالرضا عن الكلام

لانى اما اتكلمت وقلت وجهه نظرى ما اقصدتش ابدا الاساءه لحد ولا قصدت انى انقد او اهاجم انا كنت باعرض وجهه نظر واتناقشت فيها لاخر لحظه واما فكرت انسحب كان بعد ما حسيت ان المكان على الاقل دلوقتى مش هينفع فيه اللى باقوله وان الناس مبسوطه وسعيده بالوضع دا يبقى مالوش لازمه حد يدخل يعدل ويوجهه

وبصرف النظر عن الردود اللى فى الموضوع هناك واللى معظمها اساءه ليا انا ماليش اى ذنب فيها ومش هرد عليها الا بكلمه واحده الله يسامح كل واحد اتكلم فى غيابى ووهاحتسب اجرى عند الله وحسابنا هيكون على الصراط امام الله

وللمره الاخيره ولكل واحد هيفكر يتكلم عنى او يدافع

محدش منعنى ارد على اى مشاركه ومش محتاج حد يدافع عنى بالغلط فى الناس والاساءه ليهم

وانا بعيد تماما عن اى حد يتكلم عنى او يدافع

انا مدخلتش اعمل مشكله انا دخلت اقول وجهه نظرى

ليه الناس مش قادره تقتنع بدا

وللمره المليون انا باعرف اتكلم كويس جدا وباعرف ارد وانى انسحبت لانى ما حققتش الهدف من دخولى ومش زعلان من حد ولا عندى اى كلام عاوز اقوله لحد ومش طالب حد يتكلم عنى وانا برىء من اى كلمه تتقال فى حقى لو هتبقى على حساب اساءه لحد

المنتدى كويس ومستواه معقول لكنى دايما نظرتى انه يكون افضل
وانا والله العظيم واللى يصدق يصدق واللى ميصدقش هو حر ما حد سلطنى ولا انا اصلا اللى حد ممكن يأثر عليا بكلمتين انا مش صغير عشان افكر باسلوب لعب العيال دا ولا بتفزلك ولا عامل نفسى بافهم والناس كلها غبيه ولا باورى نفسى للناس انا اقل من اى حد فيكم وانتم كلكم على راسى من فوق من اقل واحد لاكبر واحد
لكنى اتعودت ومن زمان انى قبل ما اسجل فى اى منتدى لازم اتابعه لفتره عشان لما ادخل مبقاش زى الاطرش فى الزفه بابقى مسجل وانا فاهم انا داخل اقول ايه

باستغرب ان لحد دلوقتى الناس مش قادره تفهم اننا مش داخلين نغلط فى حد او نسىء لحد هنتعلم ازاى النقاش لو نص كلامنا اساءه ونصه نصح

عشان ننصح حد لازم نتعلم ازاى تكون النصيحه وازاى نوجهها ومش كل شخص يصلح انه ينصح

وانا دخلت لانى حسيت انى فتحت مجال لاثاره مشكله بسببى وباكرر تانى انا برىء منها ومن كل كلمه اتقالت فيها وكان ممكن الموضوع يبقى كويس لو مش فيه اساءه للناس

واتمنى من الاستاذ المحاسب حذف اى موضوع وفورا يثار بسببى وحذف عضويه الكاتب وعمل حظر على الايبى الخاص بيه وحظر تانى على الاى دى اذا كان المكان فيه كدا

وكلمه للبروفسير

يا استاذى الفاضل يمكن تكون سمعت عنى خير ادعوا الله ان اكون اهلا له فهل سمعت انى باغلط فى حد وانا بناقشه

هل سمعت ان اللى يقتنع بكلامى يبقى معايا واللى ميقتنعش يبقى ضدى

هل سمعت ان الاختلاف فى الراى معى يفسد للود قضيه

فى ابسط قوانين النقاش انك لو اختلفت معى فى كل كلمه مفيش مشكله لكن بدون غلط وبدون اساءه

افتكر دايما ان ربنا بيقول
{ ما يلفظ من قول إلا لديه رقيب عتيد ...

واتمنى ان الموضوع يكون انتهى خلاص وميكونش ليه تبعيات وتابعوا فى المنتدى زى ما كنتم

واتمنى ليكم التوفيق

وياريت يكون الموضوع دا هدف نتعلم منه ازاى ننصح وازاى نوجهه النصيحه

موضوع: رد: اعتذار ........وتنويه 2009-05-15, 9:18 pm

شكرا ليك يا على وشكرا للتوضيح

ولو انى كان عندى احساس شبه يقين ان البروفيسير ده شخص يخصك
او على الأقل انك راضى على اسلوبه
بس كدا انت فعلا جدير بالإحترام
تقبل مرورى

موضوع: رد: اعتذار ........وتنويه 2009-05-15, 9:37 pm

مرحبا بيك يا استاذ على وكلامك المرة دى شهادة اعتذ بها وموقف جرئ منك

واتمنى المذيد منك لاننا كلنا بيت واحد ولو عندك استعداد تطور بيتنا لكى يكون اجمل منتدى فى الحسنية لكى نفتخر بيه عند الاخرين
وياريت متذعلشى منى لان كل واحد لية وجه نظر لو حد جرح فى المكان اللى احبة

موضوع: رد: اعتذار ........وتنويه 2009-05-16, 2:48 am

بعد ما طلبت الموضوع يتحذف وباشكر الاستاذ المحاسب لتلبيه رغبتى

اولا : يا استاذ على لا شكرا على واجب لانك راجل محترم والله انا اول ما شوفت موضوعك حبيت انى ارد عليك وناقش معاك العيوب والمميزات لانك فعلا كلامك عجبنى وحبيت انك تفيد المنتدى ونعرف اقتراحات ولكن الاستاذ البروفسير بيقلى معاهم معاهم عليهم عليهم

لان انا رديت الاول وقولتلك فيه عيوب ودى رأى وبصراحة ولكن فى اخر موضوعك القديم لقيت النقاش والحوار خرج من نطاق الخلاف على الاراء الى خلافى شخصى طبعا هما من اولاد بلدك زى ما انا فهمت وفهمت انهم بيقولوا انك داخل تعمل مقارنة ولكن لما انتى رديت عليا وقولت ولا ما اقصدك حاجة اتكسفت من نفسى حسيت انى بعد ما كنت بتحوار معاك خرجت انا كمان بس يا استاذ على انا عارف انا اغلب الاعضاء زعلوا من ردى الاول والتانى عليك واكيد قالوا دى مشرف

ووقف مع على على المنتدى ولكن انا كنت وما زلت عاوز مصلحة المنتى والاعضاء وفى الرد التالت طلبت اقتراحات وفعلا انت تفضلت مشكور وقلت اقتراحاتك وانا نقلتها باسمك فى قسم المشرفين والمشرفات بس البروفسير دخل وكتب موضوع وغلط فيا وفى اعضاء غيرى فى المنتدى بناء على اية الله اعلم زى ما انت قالت اللى بيغلط فى حد حسابه عند ربنا وانا شوفت الموضوع قبل ما اى حد يشوفه ولا كان ولا رد فيه بس بصراحة افتكرت انك انت البروفسير فقالت سيب الموضوع يمكن دى رأى على فيا وفى الناس اللى ردت عليه ويا استاذ على عمر النقاش والحوار مع الناس الواعية ما يخرج عن نطاق الادب والحب والاحترام لان كل واحد مخلوق له عقل وشخصية وانا رديت على البروفسير وقولتله انه الله يسمحه وفهمته وجهة نظرى فى ردودى وبجد يا على مع انك لسه ما كتبتش حاجة هنا لكن بجد نفسى تكتب موضوع من اسلوبك الجميل دى وتشوف الردود وانت تغير رايك وطبعا دى براحتك واوعى تقول دى بيتحيل عليا دى علشان الكل يستفيد منك لانك فاهم وناضج ويا عم ادينا كل يوم ولو ساعة اتصفح واكتب ورد وعلى العموم حصل خير وموضوع البروفسير انا ولا هقفله ولا هنقله بعد اذن الادارة عاوز الناس تعرف اسلوب الراجل اللى بيقول مدير منتدى تانى ازاى وفى الاخير شكرا يا على

وانا متابع معاك

اخوك المحاسب

موضوع: رد: اعتذار ........وتنويه 2009-05-18, 3:15 am

شـكــ وبارك الله فيك ـــرا لك ... لك مني أجمل تحية

على التوضيح

» رسالة اعتذار الى صديقتي الغاليه