اضحك من قلبك ولو مش ضحكت ليك 10 جنية

موضوعي بسيط جدا يا جماعه وهو عباره عن شوية نكت جديده بس طبعا ممكن تلاقي نكت انت عارفها ده مايبقاش معناه انها قديمه بس ممكن غيرك ما يعرفهاش وعلشان ما اطولش عليكم نبدأ

كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا
*****
اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟
*****
واحد حرامي قرر يتوب سرق شريطين لعمرو خالد
*****
الميكانيكي : الكاوتش ده ضرب ازاي ؟؟
الراجل : دست على ازازه
الميكانيكي : وما شوفتهاش ازاي وهي بتلمع في الشمس
الراجل : ما هو الراجل الحمار كان حاطتها في جيبه
*****
ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم
*****

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
*****
واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
*****
واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين

اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي
الأول وسأله البحراوي:حاجه بنلبسها لونها أسود وليها رباط
فجاوب الصاعيدي:جزمه طبعآ
فرد البحراوي عليه:شكلك هتخلينا نغير تفكيرنا في الصاعيده نادي على ذميلك ألي بره
الصعيدي وهو خارج همس في ودان ذميله وقال له:هيسألك عن الجزمه
سأل البحراوي الصاعيدي الثاني حاجه لونها أسود بتتألي في الزيت وبتتاكل أه هيه؟
رد الصاعيدي:برباط يا بيه!!!
قاله البحراوي:لأ
رد الصاعيدي:تبجى بلغه يا بيه
=====
واحد بخيل عنده اربع حيطان دهن واحده منهم باللون
الاصفر والباقى كتب عليهم نفس اللون
=====

دكتور مجانين اخد المجانين بتوعه ووداهم البحر قال يمكن حد مع جمال الطبيعة ربنا يشفيه المجانين وهما فى البحر الى بيلعب فى الراملة بالجاروف والى بيلعب بالجردل لقى واحد منهم قاعد تحت شمسية وبيبص للبحر ومش بيلعب سأله انت مش بتلعب ليه معاهم قالوا دول مجانين شوف بيعملوا ايه قال الحمد لله ربنا شفا واحد منهم قالوا انت بتبص للبحر ليه كده قالوه بتخيل لو البحر ده كله ملوخية هيكفوه عيش منين

=====
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س
=====
مره واحد صعيدى قابل واحده سالها : انتى منين
قالتله: وات؟
قالها: اجدع ناس الوتاوته
=====
واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة
=====
واحد دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟

احد مسطول اشترى جوز جزم جوز بني وجوز اسود ومن كتر السطل لبس فرده بني وفرده سوده ونزل قعد عالقهوة
وقعد جنب اتنين مساطيل فبص عليه واحد من المساطيل وراح قايل للي جنبه شوفت ياااض
على الطلاق اول مرره اشوف واحد حاطط رجله على رجل اللي جنبه
___
___
واحد بيقول لمراته اقولك نكته
قالتله قول
قالها النكته فقالتله هههههه بااايخه
قالها ههههه طالق
___
مرة واحد احول سالوه ايه امنيتك في الحياه
قالهم اني اشوف واحد ماشي لوحده
___
لو كل الرجال اصبحو رجلا واحدا
وكل الاشجار اصبحت شجرة واحده
وكل البحيرات اصبحت بحيرة واحده
وكل الفؤوس اصبحت فأسا واحده[/size]
ثم جاء الرجل الواحد وامسك بالفأس الواحده
فضرب الشجرة الواحدة ضربة واحده
فوقعت الشجرة الواحده في البحيرة الواحدة
أكييييييييييييييييييد
هيحصل طرطشه كبييييروة أوي

كده حلو اوي وكفايه عليكم مع ان عندي كتير اوي بس عشان يبقي فيه حاجه للمره اللي جايه

تحياتى/ افندينا

جامد يا افندينا
ومنتظرين كل اللى عندك

طيب انا والله ما ضحكت
هتدينى العشرة جنيه
هههههههههههههه
ولا هتضحك انت عليا

هههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
هههههههههههههههههههههههههه

لو سمحت بقى ممكن تبعت 10 جنيه

ولا اقولك اصل انا ضحكت اوي والله
انا اصلي ضميري صاحي على طول
طيب خد خمسه وهات خمسه طيب
وابقى نزلنا الجديد بقى

فين العشرة جنيه ياعم ؟؟؟؟؟؟؟؟؟؟؟؟

طيب ابعتلى العشرة جنيه علشان عايزة اضحك
وماسكة نفسى بالعافية

باين علينا كده خدنا مقلب في حكاية الفلوس دي
محدش يحط امل بقى
طيب اتنين جنيه بس اروح بيهم

لازم يا افندينا تبقى قد كلامك
هو انا ضحكت مهنكرش
لكن جيبت اخويا الصغير ( 4سنوات ) وقريتله وواللهى ما ضحك
يبقى هو كدا ليه فى زمتك عشره جنيه
ولو سمحت بقى عشان هو فضحنى عاوز يجيب نبوت الغفير

انا والله ماضحكت
فين بقا العشرة جنيه؟؟؟؟؟؟

انا بقول يا افندينا تشوفلك بتاع تولتميت روبعميت جنيه تيجى توزعهم وتخلص

ههههههههههههههه
صح كدة ايناس
هما دول الطحاوية

يجماعة دة كان اختبار لكل واحد كشر عايز يعرف نفسة كشر ولا لاء والمفروض انا اللى اخد اكتر من عشر جنية علشان عرفتكو انتو كشرين ولا لاء واللى ضحك دة شخصية حبوبة ومبتسبة للناس واللى ماضحكش دة يراجع نفسة وموضوع العشرجة جنية دى كانت
كــــــــــــــــدبــــــــــــــــــــــت ابــــــــــــــريــــــــــــــــل

لالالالا طبعا افندينا هيدي كل واحد فلوسه
وكل موضوع هيزيد عشرة جنية
يعني الموضوع الجاي هتكون عشرين جنيه وهيفضل كده على طول
وكدبة ابريل بتبقى في اول ابريل مش اخره يافندينا
يلا وصل الفلوس بقى

طيب امضى على وصل حتى

هههههههههههههههه
حلوة يا غادة
يعنى كدة مفيش عسرة جنيه
ياااااااااااااااااااااااااااه خسارة
ماشى يا افندينا
انت مديون ليا بعشرة جنيه كدة على فكرة

شــــــكــــــــرا عــــــلى الــــــــمـــــــوضــــــــوع

اية يانور نعم عايزة اية اية شكرا دى انتى مش عايزة تضحكى براحتك ماكنتيش تعبتى نفسك وكتبتى شكرا دى ع العموم انا اللى متشكر

براحة شوية ياافندينا بس
وبعدين ايه

والمفروض انا اللى اخد اكتر من عشر جنية

انا ايه اللي جابني هنا

مش عارف والله

ده ايه المواضيع اللى بتطلع صاحبها مديون دى

هههههههههههههههههههههههههه
ههههههههههههههههههههه
هههههههههههههههه
هههههههههه
هه
وفقكم الله

تسلم يامااااااااااااااااااااااان

شـكــ وبارك الله فيك ـــرا لك ... لك مني أجمل تحية

» اضحك من قلبك وادعيلى
» نكت خيفه على المعده اضحك من قلبك وانسى الهم بجد جامده
» افتح قلبك قسم جميل بس احترس لمن انت /ى تفتح/ى قلبك!!!!!!!!!!!!!
» احببت وكرهت فرحت فحزنت ضحكت فبكيت
» اضحك مع ريمكس بوحة