ماذا يحدث دا نائب ولا حاكم بأمره هام للأعضاء والصياد

اولا بعد ماشوفت كل الكلام وكل الردود
انا هاتكلم بمنتهى الصراحة ومش خايف من حد
انا هاقول حاجة واحدة لمصطفى وحاجة واحدة للاستاذ محمد
لمصطفى بلاش غرور فى الكلام لان العزة لله
وللاستاذ محمد بلاش الاستهزاء باحد حتى لو كان ضدك
وحابب اضيف حاجة كمان
لو كل واحد مننا كمشرفين او كاعضاء او حتى من الادارة
ركز فى مهمته وانجزها
هنبقى احلى منتدى فى العالم
فى النهاية ياريت محدش يزعل منى
لانى بقول الصراحة وبس
شكرا ليكم
رائد ابــــو رزق

كلامك حروفه من دهب يا رائد

انا شاكر لردكم الجميل
لكن انا عمرى ما استهزئت من احد والدليل لو قرئتو جميع ردودى بالمنتدى موجودة ولم احزف منها شئ سواء لردودى فى موضوعات مصطفى الشاعر ولو احد مكانى لكان فعل ذلك
بعد طريقة الحوار الغير لائقة معى لان قصة نائب مدير المنتدى دة كلام بينا وبين بعض وليست وظيفة حكومية وخلافة ولكن كل هذا مجرد ترفية عن النفس بدخول المنتديات ومعرفة الناس والاصدقاء ونقاش الحوارت بيننا
ولكن خليكم مكانى لو واحد بقول خد دروس فى الكلام سنة واو سنتين علشان تعرف تتكلم مع مصطفى مع ان فرق السن بينى وبينة 15 سنة فمن المعقول هذا ولكن انا بحترم جميع الاعضاء سواء كانو اصغر منى او اكبر والدليل اننى لم اتوجة باى انتقاد الى اى عضو بالمنتدى حتى الانتقاد الوحيد لى باحد الاعضاء كان برسالة خاصة حتى لا احرجة بين الاعضاء ولا احرجة فى قسم الشرفين فهل جزائى هذا الكلام من الاخ مصطفى الشاعر وكلامى واضح من الردود
ووفقكم الله الى ما يحبة ويرضاة

وجزاكم الله خيرا

مصطفى احترم نفسك

تم حزف باقى الرد لانه خارج
وممنوع منعا باتا تكرار ما تم كتابته

العتاب طبع الأحباب اما الإسلوب بتاعكم ده كله تجريح لبعض
وانا مع كل الأعضاء ان مصطفى اللى دايما يبدأ

السلام عليكم

اولا يا جماعة شكرا لردكم جميعا
وانا ليس لى اى تعليق على الكلام الا بعد رجوع صياد الطيور
ولكن انا سا امارس عملى وكان لم يكن ويتم التحفظ على جميع الردود بالموضوع حتى ولو تم التعديل
يتم حفظها وحفظ التعديل بها
لحين عودة صياد الطيور
وشكرا للجميع
محمد عبد السلام رزق

هو فين صياد الطيور

صياد الطيور بالاسكندرية لمدة ثلاثة ايام وانشاء الله
يوم الجمعة يكون موجود
وفقكم الله

يرجع بالسلامه والبركه فيك

من الطبيعى ان صياد الطيور غائب نلجأ الى النائب الاستاد محمد عبد السلام
لاننا عارفين ان محمد عبد السلام اد المسئولية
اما بخصوص كلامك يا مصطفى انا شايف انك غلطان لان محمد عبد السلام مش عمل شئ غلط
واللى هو عملة طبيعى لانة نائب المدير ولازم يكون واخد باله من جميع المنتدى
لكن تصحيح موضوع او حذف ردوده فمن الطبيعى ان اللى كاتب الرد ممكن يحذفه
لكن حقيقى من يوم ما دخلت المنتدى مش شفتش الاستاد محمد عبد السلام غلط فى حد لكن
انا اغلط مصطفى لانة هو فى كلامه الغرور والاستهزاء
وبعدين مفرود يراعى فرق السن اللى بينة وبين الاستاد محمد وبعدين يا جماعة لازم نحترم بعض
وشكر ليكم وهى دى الحقيقة واللى يزعل برحتة

عموما هو مصطفى طالب التنازل عن إشرافه فى قسم المشرفين ولما يرجع صياد الطيور هيكون له القرار
وبدون استفتاء لأن ده طلب مصطفى

واالله يا سمر انا مش عارف مصطفى بيعمل ليه كدة
لو انتى تلاحظى الحوار من اول الموضوع استفزاز من مصطفى ومعه غرور
والاستاذ محمد كل ردوده فى منتهى الادب بهدؤ فا ده دليل على ان مصطفى غلطان
واكيد بعد رجوع صياد الطيور يكون له كلام تانى

يا جماعة ازاى عمالين نقول عايزين المنتدى يكون احلى منتدى فى العالم

واحنا عمالين نقطع فى بعضينا
احنا كدة عمرنا ما هنتقدم ولا نص شبر
ايه اللى بيحصل ده يا جماهة
حرام عليكم الواحد زهق من المشاكل

ياريت نهدا ونفكر بالعقل علشان نمشى صح

خلاص اهدو وصدقونى هيكون فى نهايه لكدا

اتمنا
ولو احنا بجد اخوات
ممكن نخلص الموضوع ده قبل ما الصياد يرجعمن سفره
لو احنا اخوات بجد

فعلا يا جماعه حاجه مش كويسه لو رجع الصياد من السفر ولقى الأمانه اللى سايبهالنا بالشكل ده

انا مش هاعلق على كلامك مع احترامى ليكم لانك كلكم اجمعتو ان انا غلطان فا اكيد انتم على صواب وانا اللى محتاك اراجع نفسى ولانك حينما الاستاز الكبير محمد الحاوى بيتكلم ويدافع عن الاستاذ محمد ويقول ان انا كلب وان انا متربتش وعايز اللى يربينى وان اهلى معرفوش يربونى واللى مسح الرد ومكتبش اى تعليق ولا يقوله مجرد غلط اللى هوه قاله فا اسمحولى ان كده هى فعلا النهايه ولاكن انا كنت بفكر من فتره ان اكتب حاجه عن المنتدى والاعضاء وفاء للناس المحترمين اللى اتكلمت معاهم فا انا هخلص من كتابت الرد وهتوجه الى منتدى الشعر والخواطر وهكتب انا كتبت ايه عن المنتدى والاعضاء وانا اوعدكم انى حتى مجرد انى ادخل وشوف مين رد ومين مردش مش هيحصل ارجو محدش يكون زعل منى ولاكن انا اللى زعلان من يا محمد مش انت اللى تزعل منى انت كنت بعتب عليك فى ردودك ولاكن انت افتكرتنى انى بسخر من ردودك وانت اللى مسحت ردودك وكانك بتقولى خلاص ولا كاننا نعرف بعض انا اسف لو كنت طولت عليكم سلام

محمد الحاوى يا مصطفى مبيزعلش لما الإداره بتمسح اى كلام خارج تلفظ به ساعة غضب
لكن للأسف انت بتزعل لما الإداره بتمسح اى كلمه ليك حتى لو كانت شتيمه
وللعلم لو كان كلام محمد الحاوى اللى اتمسح كان زى مانت بتقول كدا كان الكل وقف ضده
لكن اهو اتمسح ومحدش زعلان منه
اما السخريه اللى انت استخدمتها وانت بتتكلم مع محمد عبدالسلام لما بتقوله حضر اوراقك سنتين وشوفلك محامى ده كلام يدبح اكتر من الف سب آخر
ولما الأعضاء قريوه زعلوا منك ولو كانت الإداره مسحته كنت انت هتزعل عموما انت اكتر واحد عارف مصلحتك ومحدش هيجبرك على حاجه
وانا وراك على قسم الشعر

خلاص بقا يا جماعة
ياريت نقفل الموضوع ده بقا على كدة
خلاص كفاية

هههههههه ايه يا ايناس انتى مشوفتيش الافاظ اللى اتشتمت بيها شكرأ ليكم يا جماعه

ابقو ادخلو على منتدى الشعر والخواطرموضوع بأسم الاعضاء والمنتدى يارب تعجبكم سلام

السلام عليكم ورحمة الله وبركاتوا
يا جماعة الموضوع انتهى واتمنى ان مفيش اى حد يفتح فية تانى.. ومصظفى الشاعر اخوى الضغير
واتمنى انة يراجع نفسة وانا اوعدك يا مصطفى ان اى موضوع تكتبة يكون اول رد فية ليا
اما الاخوة الاعضاء الكرام واحبابى واخواتى
انا شكرا لردودكم الجميلة والصريحة واتمنى اننا نكون فعلا اسرة وحدة
لنرتقى بالمنتدى الى عنان السماء وانشاء الله بعد ازن الجميع انا لازم احزف الموضوع والردود حتى لو دخل اى فرد جديد للمنتدى
يلقينا فعلا اخوت ويحس بذلك الاخوة وحتى لا يرى صياد الطيور هذا الحوار
اما الكلام اللى مصطفى قالوة انا مش زعلان لان مصطفى فعلا اخوى الصغير
واكيد مصطفى هو شاعر المنتدى
وفقكم الله

تحيه كلها شكر و تقدير و اعجاب قال رسول الله صلى الله عليه وسلم لا يحل لمسلم ان يهجر اخاه فوق ثلاث ليالي يلتقيان فيعرض هذا و يعرض هذا و خيرهم من يبداء السلام احنا اخوات يجماعه

اخرك كدة يامصطفى اتمنى منك طلب الانسحاب والاانت ايه رايك

موضوعات المشاكل بقت اكتر من الموضوعات التانية يا رايت الناس تهدى الامور وتصلى على النبى واعتبروا نفسكم اخوات احنا عاملين نقول لكل واحد مرحب بيك فى بيتك التانى هوه البيت التانى مشاكله كترت وبعدين يا رايت كل واحد لما يرد يقول صلوا على النبى علشان الموضوع يهدى وشكرا

» ماذا يحدث اذا
» ماذا يحدث لجسمك عند قول يا الله ؟
» ماذا يحدث لجسمك عند نطق قول (الله)
» ماذا يحدث فى اول ليلة من رمضان
» ماذا يحدث عندما نقول يا الله