تطالعنا جميع وسائل الأعلام المناهضة لحكومة المحروسة كل يوم وأسبوع وشهر وسنة بحوادث الفساد من مقتل المغنية اللى ملهاش لزمة لبيع الهوا فى أزايز للشعب الغلباوى والغلباوى من أحتراف الغلب مش من الغلبة البلد بتتباع يارجالة البلد بتتنهب ياجماعة البلد ح يسلفوها لواحد من الجماعة البعدا على مايفك زنقته البلد ح يبعتوها شحتة لواحد من الجماعة القربا علشان محتاجلها ومعذور فيها البلد ............ البلد ............ البلد
وطبعاً لاخافى على حد أن البلد بتعوم على بحر من الفساد الأدارى والسياسى والأقتصادى ياجماعة ده حتى الهلس بقى فيه فساد
لكن مع تأمل عميق لحال البلد ح نلاقى أن الفساد مش حكر على الجماعة أياهم وبس لكن الفساد بقى سلوك يومى عند كل واحد مننا طيب خدوا عندكم دى دى حاجة بسيطة جداً بنلاقيها كل يوم وأحنا ماشيين فى الشارع بقى من الطبيعى أننا نلاقى واحد فاتح محل أو قهوة مستولى على الرصيف .............. عادى بقى سلوك مالهوش وجه اعتراض والناس تتصرف مع نفسها وتمشى مع العربيات فى الشوارع وتأقلمنا على كدة والأمور بقت طبيعية وأهو كله بياكل عيش لكن اللى فاتح محل أو قهوة مابقاش يكتفى بالرصيف........... لا ده بقى ياخد جزء من الشارع والمفروض أننا زى ماأتصرفنا ومشينا مع العربيات فى الشوارع نتصرف احنا والعربيات ونمشى على الحيط هو ده مش سلوك فاسد ماهو زى ما الأخ اللى أحتكر الحديد ووقف حال الناس بقى فيه حد صغير أحتكر الرصيف والشارع ووقف حال الناس بس كله على قد ملعبه الكبير بيلعب فى ملعب كورة والصغير بيلعب فى علبة طاولة
أنا مش ح أكمل مش علشان مش عارف أكمل او زهقت من الموضوع لكن لأنى محتاج لكم تكملوا معايا سلوك الفساد اللى الشعب الشاكى الباكى اللى عمال يقطع فى فروة الراجل الكبرة بتاع مدينتى علشان حب ياخد بتاره من البت اللى أدته على قفاه طيب مايبص على حاله ويتنيل على عينه.............. كل واحد فينا مفسد صغير بيحاول يكبر كل واحد فينا بيحط لبنة صغيرة فى جدار الفساد الكبير اللى بيجرى فى بر المحروسة الموضوع مابقاش سلوك فساد من جهات الحكم أو من اللى نسابوا الحكومة الفساد بقى سلوك يومى لرجل الشارع المصرى وبقى لقمة العيش اللى بيتقوت بيها بقى أكبر من كونه مجرد فئة حاكمة فاسدة بتفسد لكن بقى سلوك أمة بأسرها بقى حاجة فى دمنا بقى شئ لاغنى عنه للعيش فى بر المحروسة فى أمان وسلام بقى مش فساد لا بقى أفساد وأفساد للأفساد وتكريس لأسس الأفساد المفسد للفساد بقى مفسديان...........
الرصيد
الخبره : 
النقاط : 
موضوع: الــــــــــــــــــــــــــــــــــــــــفساد 
2009-04-13, 9:53 pm
