الجو نار..
والرطوبة طوبة..
ملزوقة ف قفايا..
سايق وماحدش معايا..
غيري أنا والذكريات..
وحبة حاجات..
إزازة الميه ونظرة عينيا..
اللي شايفها في المرايا..
بتبص لي من وقت للتاني بغباء
كأنها عارفة الحكاية..
أو واخدة بالها م الطريق
مر السفر من غير صديق..
أول شمال إحود ولف..
الغنوة سكتت..
والشريط عمال يسف..
وإزاي تخف..
يا ألم من غير جراحة..
آدي استراحة
دماغي محتاجة الصراحة..
وقلبي محتاج الحنان..
إركن هنا..
واشرب يا عم قهوتك..
ويللا عشان..
نلحق مكان قبل الغروب..
وأوعي الردار يسحب..
ف لحظة غنوتك..
ماعدش فاضل في الطريق
ولا استراحة..
الرصيد
الخبره : 
النقاط : 
موضوع: الجو نار 
2008-07-16, 2:53 am
