قصر السلطان عالى البنيان
حجرة بفضة و حجرة بمرجان
واراضى بتاع الفين فدان...اسمها بستان
مليان اجراس
مليان حراس
بقلوب مالهاش شبابيك و بيبان
جدران تولد فى الليل جدران
وده كله واقف على عمدان
امال ازاى يبقى السلطان
قصر الوالى طبعا عالى
مليان لو حتى الكون خالى
بدهب و فاروز و كنوز فيكنوز
وان شبعت بطنه اليد تعوز
وان عاوت ايده السرقة تجوز
يضحك...نبكى احنا طوالى
امال ازاى يبقى الوالى
وبيوت الناس
لا حيطان و لا ساس
ولا ليها لون ولا ليها مقاس
وحيطانها طين
اصواتها انين
وغناها حزين
وفى وسط الضلمة تهل انتا
ولا نعرف من فين ولا امتى
ترفع بنيان الغلبان
وتطاطى قصر الوالى
وترقص قصر السلطان
حكموكى ما حكموكى
بردو المصرى مصرى و المملوك مملوكى
اوعى تباتى حزينة
يا حرة يا زينة
ولو ربطوا ايدينا بكرة نحرروكى
من السلطان والوالى و العصر المملوكى
الرصيد
الخبره : 
النقاط : 
موضوع: انت مصرى ولا مملوكى 
2008-06-01, 9:51 pm
