ما لا تعرفونه عن محمد المنسى ..............

الاســــــــــــــم : محمد
الميـــــــــــــلاد : عايش من زمان
الطـــــــــــــول : فى بعض الكتب 174 سم والبعض الآخر اجمع على انه 177 سم
الــــــــــــوزن : خفيف جدا يعنى يتراوح ما بين ( 65 : 70 كجم )
الدراســــــــــه :الفرقه الرابعه كليه التجاره شعبه اللغه الانجليزيه جامعه الزقازيق
الهـــــــــوايات :
- بحب لعب كره القدم جدا بس أنا مش محترف فيها
- بحب لعب البلاى ستيشن جدا وألعاب الكمبيوتر بصفه عامه خصوصا اللى فيها تفكير
- بحب لعب الشطرنج
- وأهم حاجه إنى بعشق الكمبيوتر والنت بصفه عامه وعندى استعداد إنى اتعلم أى حاجه على الكمبيوتر
- متعه التحكم اللاراديه فى الصـــور لأول مره على منتدى النجم نجم نجوم الغناء الفنان أحمـــد فتحــــى باستخدام الفوتو شوب (بس الصراحه لسه مااحترفتوش قوى بس بفهم فيه )

أنــــــــــــــــــــا :-

· شخص مغرور نوعا ما علشان كده أحب لما حد ييجى يتكلم عنى يركز على العيوب ويحاول يبعد عن المميزات لإنه لما يذكر أى ميزه
بتصيبنى حاله من الغرور .
· إمكانياتى العقليه مش بطاله بس أنا الصراحه مكذبش عليكو أنا من جوايا بحس إنها عاليه .
· طيب وللأسف مش بعرف ازعل من حد يعنى إن لو حد زعلنى ممكن بسهوله جدا يصالحنى وأنا بنسى كل اللى عمله
مقتنع تماما بالمقوله اللى بتقول
كل العلاقات اللى بين الناس لو دوروا على أسباب إنهم يكرهوا بيها بعض
هيلاقوا مهما كانت بينهم حاجات حلوه
ولو دوروا على أسباب يحبوا بيها بعض
هيلاقوا مهما كانت بينهم حاجات وحشه

·أهم ميزه فيا إنى عمرى ما قولت كلمه بحبك لأى بنت لإنى
مقتنع تماما إن مفيش فى الكون كله غير واحده بس هى اللى تستاهل إنى أقولها الكلمه
دى وهى اللى هتكون نصى التانى (المكمل ليا )فى الحياه بتاعتنا (يعنى إحنا عباره عن نصين تربطهما كلمه بحبك بكل معانيها وصفاتها )

· أحيانا بيقولوا عليا إن أنا رومانسى بس أنا مش عارف

· مشكلتى فى الحب مش مشكله ماديه (والحمد لله ) وإنما مشكله نفسيه أو فى شخصى أنا لإنى مقتنع تماما إنى علشان آخد أى خطوه
ايجابيه فى الموضوع لازم أحس من جوايا إنى استحق الإنسانه دى فلازم أخليها تفخر بيا ومكونش نقطة ضعف فى حياتها

لو لا قدر الله محصلشى نصيب بينا أنا عمرى ما هكره الانسانه دى كفايه إنها شغلت قلبى الفتره الكبيره والخطيره دى بدل ما كنت
اتخبطت من واحده للتانيه
أمنيتى فى الحياه : إنى ارتبط بالإنسانه اللى بحبها وطبعا ده بعد ما أحس إنى استاهلها
أنا مش بكتب الموضوع ده بدور على بنوته بس هو للتعارف القريب من بعض
واتمنى ان كل اللى فى المنتدى يعملوا موضوع يتكلموا فيه عن نفسهم زى ماهما شايفينها علشان نتعرف أكتر على بعض

أنا جاهز لأى استفسار ولو فى أدق التفاصيل أوأى تعليق أيا كان سواء كان بالسلب أو بالإيجاب وعمرى ما هزعل من أى تعليق

إحنا اتفقنا إننا إخوات وأكيد لو فى حاجه مش كويسه فيا وأنتم علقتم عليها هتقبلها بصدر رحب لأن أكيد أنتم عايزين مصلحتى كمان أنا بحب اللى بيقول العيوب اللى فيا.

أنا آسف إنى طولت عليكم بس والله إحساس الأسره اللى أنا فيه خلانى احكى من غير ما أزهق