نصيحة لكل بنت : مهما كانت الظروف اوعى تتجوزى عرفى....شبح

نصيحة لكل بنت : مهما كانت الظروف اوعى تتجوزى عرفى ..
شبح هيطاردك طول حياتك
-----------------------
( أرجوا من الادارة التثيت لاهمية الموضوع )

بعد بحث ودراسة واسئلة للاصحاب وتجارب الاخرين
اكتشفت حاجة مهمة لازم اقولها لكل بنت
مهما كان حبك لشخص
مهما كانت الظروف اللى بتمر بيكى أو بية
مهما ضغط عليكى
او ضغطت عليكى ظروف الحياة
ومهما كان الثمن
ومهما كانت التضحياتن
ومهما ضعفتى
اوعى يوم من الأيام تتجوزى عرفيا ابداااااااااااا
لان دى هتكون نقضة ضعفك امام جوزك
وامام المجتمع
وامام الدنيا كلها
ربنا شرع الطريق الرسمى للجواز
والقانون وضع طريقة رسميىة وشريعة للجواز
وهى عند المأذون وبوثيقة رسمية وبشهود واعلان وخلافة
والتجارب تدل على صحة كلامى :
----------------
1 - ولد لما كبر وعرف ان امة اتجوزت عرفى قبل ماتتجوز ابوة
ماقدرش يغفر لها الغلطة دى وعاش طول عمرة معقد نفسيا
حتى اهلة واصحابة كانوا بيعايروة بغلطة امة القديمة
رغم مرور سنوات طويلة على الغلطة
2 - بنت اتجوت عرفى وفشل جوازها وبعد كدة اتجوزت رسمى
وجوزها كان عارف الموضوع دة وهوة سامحها واتجوزها وخلفت منة
وعاشوا مع بعض سنين طويلة
لكن فى سعادة زائفة لانة مقدرش ينسى طول حياتة معاة انها غلطت
الغلطة دى وفضلت جواة تعذبة وتنغص علية حياتة معاها
وطبعا هوة معذور لأنة بشر مش ملاك
مسكين لاقدر يغفر من جواة ولا قدر ينسى غلطتها
ولا قدر يطلقها علشان خلف منها
وعاشت حياتها فى عذاب
لان كل شوية بيبان فى تصرفاتة وافعالة وكلامة
التلميح لغلطتها اللى مش قادر ينساها
3 - بنت اتجوزت عرفى من ورا اهلها من شاب بتحبة وبعد ما برد الحب بينهم
سابها ومشى ومرضيش يطلقها
صاحبتها ساعدتها ووديتها لطبيب عملت عملية ورجعت بنت تانى
جالها عريس وراحت دار الافتاء وسألت شيوخ
قالولها جوازها هيبقى باطل لانها لسة على ذمة الاولانى
ولازم تتطلق منة الاول وبعد كدة تتتجوز
الولد الندل مارضيش يطلقها ولا يلفظ لفظ الطلاق ليها
وطلب منها انها تتجوز وتفضل عشيقتة
وكمان هددها انة يقول لاى واحد يتقدم لها انة متجوزها عرفى ويوريلة الورقة
وهى من ساعتها عابشة فى عذاب
لاعارفة تخلص منة ولا عارفة تتجوز حد تانى ويبقى جوازها حلال
4 - شاب اتجوز عرفى من حبيبتة بس من غير ورق
وهى كانت متجوزة رسمى من واحد قبلة واتطلقت منة من سنتين
المهم انة عاشرها معاشرة الازواج
وحملت منة ولما هى عرفت انها غلطت حبت تصلح غلطتها بسرعة
ووافقت على اول عريس اتقدم لها واتجوزتة
ومحدش كان يعرف انها حامل الا الشاب دة وهية بس
المهم انها خلفت ولد زى القمر
بس للأسف اتنسب لجوزها الشرعى الأخير
ومن ساعتها والشاب عايش فى عذاب
خايف يطلع السر اهلها يقتلوة
وكان جزاؤة ان ابنة الشرعى ينسب لغيرة
ويكبر ويترعرع فى حضن غيرة
وربنا يحرمة منة طول العمر
5 - شهدت الصحف المصرية والمحاكم قضية الفان احمد الفيشاوى وهند الحناوى
وقصة زواجهما العرفى التى طرحت فى الفضائيات علنيا بعد انجابها
وبعد تنكر الفنان للزواج والنسب
وهذا مثال قوى على فشل الزواج العرفى
6 - بنات كتير اهلها لما عرفوا انها اتجوزت عرفى
اما قتلوها واتخلصوا من عارها اما اتبرأوا منهم وطردوهم من البيت
ومشيوا فى طريق الانحراف
---------------

اظن بعد الدراسة دى والتجارب كان من واجبى كمسلم
انصح كل بنت انها ماتتجوزش عرفى مهما كانت الظروف والأسباب
اللهم انى بلغت اللهم فأشهد

شـكــ وبارك الله فيك ـــرا لك ... لك مني أجمل تحية

بارك الله فيك

احمد الموضوع جميل فعلا لازم البنت ما تفكرش فى هذا الشبح عشان هتفضل عقبة طول حياتها

صح ياتيموووووووووو

شكرا على المجهود الرائع