انت متأكد انك بتحب صاحبك أوبتحبى صاحبتك الأنتيم طيب ادخلوا و

ازيكوا يا أحلى أخوات

فى موضوع أحب انكم تشاركونى فيه وبصراحه

طبعا لكل واحد وواحده صاحب أو صاحبه انتيم وأكيد بتقول انك بتحبه من قلبك أو بتقولي انك بتحبيها من

قلبك

السؤال بقى ؟؟

اذا كنت خاطب انسانه بتحبها أو اذا كنتى مخطوبه لانسان بتحبيه وشاء ربنا ان العلاقه تنتهى وتنفصلوا عن

بعض ومينفعش ترجعوا لبعض تانى لعدة اسباب بس لسه فى حب فى قلبك ليها أو فى حب فى قلبك ليه

وطبعا الحب مش بإيدينا

بس فى النهايةالنصيب غلاب زى ما بيقولوا

يعنى انا عن نفسى شوفت قصتين من الواقع وناس اعرفها

الاولى : واحده كانت بتحب واحد واتجوز اختها مش صاحبتها

التانيه : واحد كان بيحب واحده وأخوه اتجوزها مش صاحبه

وده أكبر دليل ان الموضوع ده نصيب وقدر

انت بقى اذا جه صاحبك أو صاحبتك الانتيم وحب الانسانه اللى كنت مرتبط بيها أو حبت الانسان اللى كنتى

مرتبطه بيه والعائق الوحيد هو انت أو انتى فى انشاء علاقه حقيقه بينهم

ياترى هيكون رد فعلك ايه ؟

ياترى هتبارك العلاقه وتشجعهم بجد ومن قلبك ؟؟

ولا هتحاول انك تخلى علاقتهم تنتهى ؟؟

ولا هتقطع علاقتك بصاحب عمرك أو صاحبة عمرك ؟؟؟

ياريت الكل يشارك ويحاول انه يكون صريح مع نفسه بجد قبل ما يجاوب

شكرا

حصلت معايا ياتيمور والله مع صاحبي وقولتله اتوكل ولما مامته رفضت عشاني قالي ان مامته مش موافقه رحتله وكلمتهاواقنعتها توافق بس بعد كده مامتها هي اللي رفضت

إحراج
شكرا

بس الى بيحب حد سواء ولد او بنت بيحب ليه كل خير يعنى انا اقوله ربنا يوفقكم مع بعض ويسعدكم مع بعض كده فعلا هبقى مرتاح جدا لسعادتهم ده لو فعلا بحبه غير كده يبقى انا مش بحبه

إزاى يا جماعه العلاقه بينى وبين صاحبى تستمر
أنا اختلف معاكو تماما
طيب هو صاحبى حبها إزاى أصلا
يعنى أنا لما كنا بنقعد مع بعض أنا وصاحبى وهيا
معنى كده إن صاحبى كان بيبصلها وهو عارف إنى بحبها
كمان إزاى هثق فى صاحبى ده بعد كده

ثم نفترض الموضوع مشى عادى واتجوزوا
أنا ادخل بيت صاحبى ده إزاى
أنا مش ملاك علشان اضمن إن عمرى ما ابص لزوجه صاحبى
ولو حصل وبصيت ليها دماغى هترجع للذكرايات القديمه
وهتخيلها وهى لسه معايا
يبقى أنا كده بخون صاحبى " خيانه فكريه " وكل ده كان ممكن نبعد عنه خالص

أنا بفضل اخسر صاحبى أحسن ما أخونه

اسمعوا أغنيه "أبدأ احنيلها " لكريم آدم

موووووووووووووووووقف صعب وبيتهيقلى ان انا ممكن ازعل منهم الاتنين محبش ان صحبى يفكر فى واحده انا فكرت فيها قبله

أنا مش عارف ليه أنا حاسس إنكم مش مقدرين خطورة الموقف
صحيح الاختلاف فى الرأى لايفسد للود قضيه
بس إنتم بتختلفوا معايا فى الشىء الذى لايختلف عليه اتنين
وهو إننا بشر مش ملايكه
ومن وجهه نظرى اللى شايف نفسه ملاك هو بس
اللى هيكمل مع صاحبه ومش هيخونه "الخيانه الفكريه "

على فكره يا إيناس هو مش إحراج خالص
لازم الواحد ياخد حل جذرى فى الموضوع ده
بدل ما تحصل مضاعفات ليه
لازم الواحد يقطع عرق ويسيح دمه

كمان يا بوب إنت لما تخسر صاحبك فى الحاله دى
هو أكبر دليل على إنك بتحبه مش العكس

شكرا على المجهود الرائع

شكرا

شكرا علي الرسله الجميل دي

شكرا على الموضوع الروعه