عالم النجم أحمد فتحى

عالم النجم أحمد فتحى

المنتدى الرسمى للمطرب المصرى أحمـد فتحـى
 
الرئيسيةالتسجيلبحـثالأعضاءدخول

شاطر | 
 

  اسلوب الشباب والبنات ف الجامعة

اذهب الى الأسفل 
كاتب الموضوعرسالة
محمدعبد السلام رزق
نائب المدير العام
نائب المدير العام
avatar

ذكر
برج العضو : الثور
الرصيد الرصيد : 7873
العمر : 42
العمل : موظف ..وصاحب مكتب لخدمة الكمبيوتر والانتر نت
المزاج : خدمة المنتدى
الخبره الخبره : 08/02/2009
النقاط النقاط : 15014

مُساهمةموضوع: اسلوب الشباب والبنات ف الجامعة    2010-06-24, 2:04 pm


الموضوع ده بيحكى عن اسلوب الشباب والبنات فى الجامعة وهما 6 صفات
3 شباب
3 بنات

اولا صفات الشباب/

1/شاب مش لاقى واحدة يكلمها
2/شاب بيكلم اكتر من واحدة ومقطع
3/شاب مخلص وبيكلم حبيبته بس

البنات بقى

1/بنت نفسها تكلم واد بس عاملة نفسها تقيلة
2/بنت بقى روشة وحبوبة وصديقة الشعب
3/بنت مخلصة برده ل حبيبها بس

واحنا هنتناقش ف صفات الولاد والبنات بطريقة ملخصة كده

اولا الولاد........

النوع الاول(شاب مش لاقى واحدة يكلمها)

ده حكايته حكاية واد يقوم الصبح يقف قدام المراية ساعتين وربع يفضل يسبسب شعره ويلاعب حواجبه ويحت بارفان ف بقه ووشه لحد ما يحس انه ابو زيد ويلمع الجزمة ويبقى على سنجة 10 وينزل وقبل ما يخرج من باب البيت يقوم قايل الدعاء ده (يا رب بقى ارزقنى ب واحدة اكلمها انا كل يوم بجط جيل وبجيب هدوم بأد كده ليه بس مش بيبصولى) وينزل الجامعة ويخش يفضل ماشى وطول ما هو ماشى يسقط ف البنطلون زيادة لأ يحسس على شعره وطول ما هو ماشى عمال يلقى ف نظرات ويروح يقابل واحد صاحبه واقف مع شلة بنات يروح بقى يفضل يعيشها عليهم وبابى ومامى واخواتى وهما قارشين ملحته ومعيشينه الدرو وخلاص ويفضل يسبل وبعدين يرجع البيت وهكذا على طول ومفييييييييش فايدة

النوع التانى(شاب بيكلم اكتر من واحدة ومقطع)

ده بقى واد روش مش همه الدنيا يصحى من النوم يضرب اى بنطلون شيك على اى بادى جامد نص حتة من اللى ناقص قماش دة لو ف الشتى عشان يبين العضله والكوتشى والجظاظة والساعة والسلسلة وينزل بقى يعيش مع الشلة كلها ويعشم دى ويسرح ب دى وهوا ولا ف دماغه واللى يزهق منها يلبسها ل واحد صاحبه ويجدد وواد حياته عسل

النوع الثالث(شاب مخلص وبيكلم حبيبته بس)

ده بقى واد مستقيم يقوم م النوم على رنة حبيبته او كلمنى شكرا ويتكلمو ايوا يا حبيبتى البسلك ايه النهاردة ويقوم مظبط نفسه ليها وكده وينزل يقضى معاها طول اليوم حب وغرام والغرام ممكن يزيد بمسكة ايد ثم حطة ايد ع الكتف ثم بوسة وقبل ما يكمل يكون حرس الجامعة ماسكه واكله علقة وساحب الكارنيهات وبعدين يقول ل حبيبته انا مش عايزك تخافى انا جانبك ده انا ممكن اوديهم ف داهية وبس يعيشها عليها عشان يدارى كسفته

ده بالنسبة للشباب ومحدش يزعل يا جماعة احنا بندردش يعنى والله وبييس يا ردالة

البنات بقى(ان كيدهن عظيم)

النوع الاول(بنت نفسها تكلم واد بس عاملة نفسها تقيلة)

دى بقى بتصحى م النوم زى اخينا اللى نفسه يكلم واحدة تظبط وتعمل وتنزل (وطبعا مننساش الدعاء) وتشوف صديقتها واقفة مع شلة شباب تقوم قايلة الحمد لله شكلها هتغمز النهاردة يا بت وتقوم معدية من على صاحبتها وتقولها ازيك وتروح تقف بعيد تقوم صاحبتها قايلالها تعالى اعرفك تقولها لا انتى عارفانى مش بحب اكلم ولاد تقوم صاحبتها قايلالها تعالى دول زى اخواتى تيجى بقى وتفضل تقلانة والرجالة طبعا قارشاها ومعيشينها وبس

النوع االتانى(بنت بقى روشة وحبوبة وصديقة الشعب)

دى بقى بنت قشطة ع الاخر تقوم م النوم تضرب الطقم المحترم ع الميك اب على البرفان والبنطلون اللى هيتقطع لو قعدت والبادى اللى ع الكمر وتنزل الشباب يشوفها هاى وسلام وكلام والكل بيحبها وهى طبعا معيشاهم ومبسوطة وبتقول اللهم زدها نعمة عشان اتفشخر وسط اصحابى

النوع الثالث(بنت مخلصة برده ل حبيبها بس)

دى بقى مخلصة جدا تقوم م النوم تتصل ب حبيبها او كلمنى برده المعتاد يعنى وتقوم قايلاله ايوا يا حبيبى قوم يلا واوعى تنزل من غير فطار والبس تقيل وبوس ايد مامتك وتنزل برده يحبة ف بعض ومصيرها يا عينى حرس الجامعة برد


_________________

الرجوع الى أعلى الصفحة اذهب الى الأسفل
واحد من الناس
فنان مبدع
فنان مبدع
avatar

ذكر
برج العضو : الثور
الرصيد الرصيد : 418
العمر : 38
العمل : م ق و ض
المزاج : النهاردة تمام
الخبره الخبره : 28/03/2009
النقاط النقاط : 7697

مُساهمةموضوع: رد: اسلوب الشباب والبنات ف الجامعة    2010-06-26, 5:14 am

شكرا على الموضوع بصراحة التوبيك لذيذ بس مش ربع اللى بيحصل فيه اكتر من كده فكك يا كبير من الحوار ده الموضوع كبير وكبر الجى وروق الدى وبيس يا مان على راى المثل ضربى وبكى وسبقنى واشتكى اى كلام بيتقال هههههههههههههههههههههههههههههههههههههههه؟ والله واحشنى يا محمد بيه عبد السلام وبدخل هنا علشان ارخم عليك انت وبس والباقى ط................سلام علبكم
الرجوع الى أعلى الصفحة اذهب الى الأسفل
Enchanting pop
شخصيه هامه
شخصيه هامه
avatar

ذكر
برج العضو : الجدي
الرصيد الرصيد : 628
العمر : 34
العمل : Graff Man
المزاج : معتدل
الخبره الخبره : 14/03/2010
النقاط النقاط : 7443

مُساهمةموضوع: رد: اسلوب الشباب والبنات ف الجامعة    2010-06-27, 5:22 am

الموضوع جامد فحت بيتكلم على الى بيحصل
بس على راى واحد من الناس الى بيحل اكتر بمرتحل من كدة
الرجوع الى أعلى الصفحة اذهب الى الأسفل
 
اسلوب الشباب والبنات ف الجامعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم النجم أحمد فتحى :: المنتديات العاطفيه :: منتدى قاضى الغرام-
انتقل الى: