هل الحب زى الجواز اسمة ونصيب

هناك نوع من الحب يحبك بجنون...
ويسعى جاهداً لإصابتك بهذا الحب
ولا يستوعب رفضك لمشاعره بهذه السهولة
فيحاصرك بسيل من المشاعر الغير مرغوبة ويمارس عليك الغيره غير المباحة
فيكتفي بحبه لك ويحملك جميل هذا الحب ويجب لزاماً عليك أن تحبه
وإلا وصفك أنك بلا مشاعر
ولا تستاهل هذا الحب
وصب عليك أبشع الصفات الانسانية
ثم يتركك وكأنك أنت الذي تلاعبت به
ولم تقدر مشاعره التي وهبك إياها وقلبه الذي ملئه بحبك
وحضنه الذي امتلأ به حضنك
وتصبح ف النهاية أنك أنت الجاني علي قلبه
وكسرت بلا رحمة فؤداه
ثم تمر ويعود إليك ..محاولا مرة أخري أن يجبرك علي حبه
وقد تضعف ف لحظات وقد لا تضعف
النهاية ..أنه مازال علي اصراره أنك تحبه
ومازال علي أمل ..أن تبادله هذا الحب
هذا ملخص لحب موجود وموجود بشدة هذه الأيام ..أن تجد أحد يحبك ويحبك بجنون وزي مابيقولوا يتمنالك الرضي ترضي ,وتجده معك ف جميع المواقف ..تجده أول شخص يقف الي جوارك ..تجده يسأل عليك ويهتم بك ويظهر لك حبه بكل الطرق علي أمل أن تحبه وترضا به حبيبا ولكن أنت لا تستطيع ان تبادله هذا الحب..لأ لشيء سوا لأن قلبك لم يدق له , ولم يري فيه هذا الحبيب الذي تتمناه ..ربما تشعر بالحنين اليه والحب تجاهه والأمان معه....ولكن حنين وحب وأمان ليس له علاقة من قريب أو من بعيد بالحب الذي تتوقعه.
الحب اللي من النوع دة ,حب صعب وجارح ومؤلم ..حب من طرف واحد جايز ..حب لم يكتمل بعد جايز برضو ..حب محتاج وقت عشان يكمل ومحتاج حرية وبرااااح عشان تتبلور ملامحه جايز برضو .
ليه بقول محتاج براح ومحتاج حرية لأني شايف ان اللي بيحب حد بالشكل دة ,مش بيديله فرصة ابدا أن يبادله الحب ولا بيديله المساحة انه يفكر ..دة عايزة يحبه ..برضاه غصب عنه عايزه يحبه ,بالزوق بالعافية عايزة يحبه ودة ف عرف الحب عندنا مينفعش ..مفيش حاجة اسمها بالزوق بالعافيه هتحبني هتحبني ..أي حاجة ف الدنيا بالخناق إلا الحب لازم يكون بالرضا والاتفاق ..وزي م خدت فرصتك ووقتك أن تحبه أديله هو كمان انه ياخد وقته وفرصته ولا كلامي دة غلط عشان كدة انا مش هقدر اقول ع الحب دة انه حب من طرف واحد لأن الحب اللي من طرف واحد هو حب افلاطوني ..ممكن أكون بحبه بس مليش علاقة بيه ..هو ف ناحية وانا ف ناحية أو بحبه من بعيد لبعيد ومعرفش أذا كان بيحبني ولأ لا؟
أو ممكن يكون مرتبط بحد تاني أو بيحب حد تاني وانا مش قادرة اقوله اني بحبه للسبب دة ..وكمان الحب اللي من طرف واحد مش بيفرض حبه ع اللي بيحبه ولا بيضغط عليه انه يحبه
ولا بينتظر منه مقابل الحب دة زي مابيحصل ف الحب اللي من النوع دة لأن شايف برضو ان الحب دة اللي بكلم عنه واحد منتظر مقابل حبي ...يللا بقا حبني مش انا حبيتك !!؟
دة اسم كلام !!؟
أنا مش بنكر الحب دة ولا بقلل منه بالعكس دة حب علي عيني وعلي راسي بس مينفعش
اني احبه وقدمله حب واهتمام ورعاية وانتظر منه المقابل وقوله الله انت محبتنيش ليه ؟ انت مش بتحس بيا ليه ؟ انا عملت فيك ايه عشان تعزبني أوي كدة ؟ دة ذنبي اني حبيتك !!؟
........بـــــــــــس هو دة بيت القصيده اللي عاوز اتكلم عنه ..لما هي أو هو بيقولك دة ذنبي اني حبيتك ؟ وكأنها وكأنه بيبجي عليك بحبه ..لأ بــيـــبـــجٌي فهمين الكلمة دي كويس ..يعني بالبلدي كدة انا بتعطف عليك بحبي ف دة يبقا جزاتي ..مش كفاية اني حبيتك
وكأنها اتحولت هي الضحية وأنت الجاني ..وكأنه بقا المظلوم ونتي بقيتي الظالمة الطاغية عشان محبتهوش ..؟
ومش بس بتيجي لحد كدة لأ دي بتوصل كمان انو يعايرك بالحب دة ويقولك .. حد بيعمل معاك اللي انا بعمله معاك ؟
وعلي رأي محمد سعد ف فلم كركر ..لما أبوه قاله – أكل وأكلتك جبنه رومي جبتلك ..جبنه فلامنك جبتلك ..جنبه ياباشتري جبتلك هههههههه
مش دة اللي بيحصل والنبي ؟!
انا مش هقولك استسلم ولا هقولك متحبهوش ,كل اللي عاوز أوصلهولك ..أنك تديله فرصة يحبك ولو محبكش لا قدر الله يكفي أنك جنبه وحواليه ولو مقدرتش تفضل جنبه أبعد وانت بتحبه .متوصلش نفسك لمرحلة أنك تكرهه وتخليه يندم انك قربت منه ..الحب زي ماهو كان قدر ليك فهو كان قدر ليه ...محدش له ذنب ف انه حب حد ولا محبش حد
نصيحة ..خليه براحته حبك حبك محبكش ..أكيد هو الخسران
وكلــــه ف الاخـــر قسمه و نصيـــــــب

الحب احساس ياتى الى الانسان دون ا ن ديركة

نعم الحب زى الجواز اسمة ونصيب

فى اختلاف فى وجهات النظر كتير بين الناس

مشكور يعطيك العافية كلااااااااااام جميل

وفرقة هابى داى تعملكو الفرح
بقيادة الكابتن عمرو حجازى

اهلا بيك يا فنان ومنور المنتدى