عم صابر لسه صا بـــــــــــر

عم صابر لسه صابر
نفسه يعرف بس أخرة صبره أيه
كل حاجه يا دنيا فيكى معاندة ليه
حلم عيلته من طفولته أنه يبقى وكيل نيابة
يبقى سيف للحق يحمى مرة بيه ضهر الغلابة
ينصف المظلوم يجيبله
حقه من بق الغلابة
شد حيله عم صابر
قاسى واتحمل وعافر
بس جت ساعة النتيجة قالولوا بره
أصلك أنت مالكش واسطة
قال وماله
حلم ضاع راح يجى غيره
حلمى لازم يوم مسيره هاشوفو فى ابنى
عاش ورزقه ربنا ولدين وبنت
ربى فيهم إن مصر دى أمهم
نيلها خيره بيجرى جوه فى دمهم
يعنى تبقى أغلى من أبوهم وأمهم
وأما ابنه شد حيله واجتهد
قال أحقق حلم أبويا والبلد
برضه جت ساعة النتيجة قالولوا بره
أصلك أنت مالكش واسطة
وعم صابر لسه صابر نفسه يعرف بس أخرة صبره أيه

جامد فحت

هو ايه الي جامد الكلام ولا عم صابر

انت