أفندينيات

موضوع: أفندينيات 2010-04-14, 9:59 pm

أفندى ، كلمة جاءت من اللغة اليونانية، ودخلت اللغة التركية منذ القرن الثالث عشر
الميلادى، وهى تعنى: المالك أو السيد .
وبمناسبة أفندى ، يقال إن فاكهة المندرين
، سُميت : "يوسف افندى" ، نسبة للمهندس الزراعى "يوسف أفندى" ، الذى ادخلها إلى مصر
فى عهد محمد على .
وأود أن أذكركم بأن عبقرى الكاريكاتير ألكسندر صاروخان ، هو
من ابتكر شخصية المصرى أفندى .
أما أجمل ما قرأت عن أفندينا ، فهو للمدونة
المصرية قطرات الندى ، التى تقول :
افندينا أنعم علينا بعلاوة
تجيب كيلو جبنة
وعلبة حلاوة
أتارى العلاوة مجرد أتاوة
واحنا علينا الكلام
اختلط
*****
عشان فى البداية حسبناها خير
وقلنا نواية حتسند يا
زير
وحسنة حتمنع بلاوى كتير
وكنا حقيقى فى غاية العبط
*****
فى لحظة
افتكرنا ان لينا حقوق
ونمنا وصحينا لقينا الخازوق
وقبل اما حتى يا عالم
نفوق
لقينا اللى لسه حناخده اتشفط
*****
أفندينا يعنى فى لحظة
تجلي
تعطف تلطف وقرر يخللي
مساحة الغلابة تزيد ستة مللي
وياكلو بدال
التراب الزلط
*****
أفندينا أعلن صدور القرار
وقبل اما ينجح فى أى
اختبار
فوجئنا بزفة ومولد وزار
قصايد جرايد برامج يفط
*****
تؤكد بأن
الحكومة بذكاء
ومن حزمة واحدة قضت ع الغلاء
ولا بد يبقى لدينا
انتماء
وناكل ونشرب ونلبس خطط
*****
عبال النمو اللى قالوا
عليه
وحايشينه عنا منعرفش ليه
ما تلمح مكانا فى مرة عينيه
ونقدر ندوق منه
حتى نقط
*****
مادام كل حاجة تمام ع الورق
مافيش أى داعى عشان
القلق
ولو مش مصدق خلاص اتفلق
ورقنا اللى صح وكلامك غلط
*****
وقاللى
مواطن عليم بالخبايا
أفندينا قرر تزيد الجباية
عشان شعبه جاحد قليل
الرباية
بياكل وينكر زى القطط
*****
إذا الشعب صدى بفعل البارومة
حتعمل
حسابه ف ايه الحكومة
وهى اللى جاهزة بكرباج وشومة
عشان لوفى واحد فى عقله
اتخبط
*****
تعيش مصر دايما فى عز وجمال
يعيش المواطن شديد
الاحتمال
وآمن تماما من الاشتعال
وأقصى ما عنده ينكت فقط

موضوع: رد: أفندينيات 2010-04-14, 11:54 pm

شر البليه ما يضحك

موضوع: رد: أفندينيات 2010-04-15, 12:42 am

وياترى تقصد مين بقى بأفندينا

تقبل مرورى

موضوع: رد: أفندينيات 2010-04-15, 1:01 am

لا تاخذي كلامي علي المحمل السيئ انا الموضوع عجيبني قلت نتشارك في بس

موضوع: رد: أفندينيات 2010-04-15, 1:24 am

لا بس موضوع لمس أوتار حساسه جدا وحلو

انتى يا سمسمه اللى دايما كده
ههههههههههههههههه
انا بس بهدى النفوس

موضوع: رد: أفندينيات 2010-04-15, 1:31 am

انا اسف انا جديد في المنتدي مش فاهم قصد سمر ولا مشاكل اوتار ايه الي انا لمستها بدون قصد
بكرر اسفي لو كان كلامي في اي اهانه باي عضو محترم

موضوع: رد: أفندينيات 2010-04-15, 2:29 am

حرام عليكوا يا بنات خليتوا الراجل يشك فى نفسو
فكك منهم يا أنتيم هم بس بيحبوا يهزروا

موضوع: رد: أفندينيات 2010-04-15, 4:42 am

لاهما قصدهم ياكبير
العضو افندينا
هما بس بيحبو يهزرو
بجد مافيش
حاجة صدقنى

موضوع: رد: أفندينيات 2010-04-15, 5:08 am

هههههههههههههههههه
كويس ان العمليه وصلت لحد كده وشكره للبوب علي التوضيح
وسلامي الحار واجمل تحياتي للعضو افندينا

موضوع: رد: أفندينيات 2010-04-15, 7:53 am

تحياتى ليكو ايها الاعضاء
تحيا للعمد والبشوات
واى حد صاحبى انا بمسى علية وكمان بقولة اذيك انت عامل اية
أولا انا بشكر انتيم جدا على توضيحة لاسم افندينا
واحب اوجة كلامى للكل
المعنى عاجبنى جدا لانة عرف الكل المعنى اللى انا عايز اعرفة للناس بطريقة غير مباشرة
والاسم دة ينطلق عليا فى مجال شغلى فقط
لانى وبدون غرور ولا تكبر (انا اللى عرفت الناس يعنى اية دى جى ومع المنافسة المستمرة ضدى (الغير شريفة) ومع ذالك افندينا الاساس وهيرقص كل الناس)
تحياتى لمنافسينى قبل احبابى