موسوعة أنواع حمام الزينة

موضوع: موسوعة أنواع حمام الزينة 2009-12-11, 9:22 pm

وده النوع العادي اللي هو البيج وده المتوافر في السوق المصريه ويتراوح سعر الزغاليل من 12 الي 20 جنيه والكبار الشغال من 25 الي 30 حسب التقليب وصوت الذكر

والنوع التاني اللي هو الابيض خالص

او بدون طوق حول الرقبه وده اغلي واحلي

والابيض المطوق بيترواح سعره من 30 الي 50 جنيه

والابيض الصافي اعلي من السعر الابيض المطوق ب10 جنيه او 5 جنيه

وفي بقي النوع النادر والغالي واللي مشفتهوش لحد دلوقتي في مصر اللي هو بطرطوره يعني شعر زائد علي الراس

والتفريق بين الذكر والانثي هو ان الذكر نفسه اطول في من الانثي في الغناء والهديل
ويصدر الذكر اصوات جميله لاغراء الانثي وينفخ حصولته ويغازلها حتي يكبسها وتبيض ان شاء الله
والذكر الاحمرار اللي في رجل الذكر اغمق من الانثي

والنوع الثاني وهو الكشكيات (OWL)

النوع اللي من غير طرطورة اللي هو تقليبه اقل وده سعره من 35 الي 50 جنيه

والنوع الثاني اللي تقليبه اعلي وبيبقي فيه( طرطوره و فله وسراويل ) وده سعره من 80 الي 150 جنيه

الهزاز او الشماسي (fantil)

والهزاز نوعين نوع هندي ونوع امريكي والهندي ارخص واكبر في الحجم من الامريكي والفرق بين الهندي والامريكي هو ان الامريكي عنده سراويل كبيره وطرطوره وعدد ريش الذيل اكبر وبيكون التشميسه كامله والفرق التاني ان الامريكي غالي جدا عن الهزاز

ونبدا بالهزاز الهندي

والنوع ده سعره من 70 الي 100 جنيه

والتقليب الصحيح والبيور هو ان الراس تبقي راجعه ورا اوي زي الصورة اللي فاتت دي لدرجه انها متشفش اللي قدامها وده سعره بيبقي غالي عن صاحب الراس العاديه يعني انا عندي نتايه هزاز احمر خالص لما بتيجي تقف متبقاش شايف راسها عشان كده لما بعوز امسكها بتبقي سهله في مسكها :lol3:

الهزاز الامريكي

وتقليب الامريكي ده ان يكون عدد ريشات الذيل كثيره وبتتراوح عددها من 25 الي 40 ريش

ودي بعض الصور للحمام الهزاز

حمام الking

وهو من النوع الثقيل قليل الطيران ويفضل وضع عشه علي الارض حتي يكون سهل التفريخ وهو ممتاز في احتضان البيض وممتاز في الاهتمام بالزغاليل
وسمي بالكينج يعني الملك لان نظرته ومشيته وزيله المرفوع القصير يبين انه ملك الحمام وهو بالفعل ملك الحمام

ودي شويه صور ليه

ماشاء الله شوفوا الزغلول بيبقي اد ايه

حمام الlong face

منقول وتقبلوا تحياتى .......

جزاكى الله خيرا

جزاكي الله كل خير

الاكابر الاحساس محيرة كل الناس

اسألوا

الحاوي الشاعر ايناس

جزاكى الله كل خير

الاكابر الاساس محيره كل الناس

محمد الحاوى