تامر و مي الحلقة الثالثة

تامر ومي يسيران على الكورنيش .. الجو حار .. الشمس محرقة .

مي : عطشانة .بزاف

تامر : وأنا كمان .

مي : يعنى ... عايزة اشرب!

تامر : أكيد مادام عطشانة يبقى عايزة تشربي .

مي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

تامر : ومين اللي هيحاسب ؟؟

مي : أنت طبعاً .bien sure toi

تامر : منين ياحسرة .. ماانتى عارفة الكانز وغطاه .

مي : ماقلتش عايزة كانز .. كفاية إزازة صاروخ .

تامر : طب لو هاتجيبى اعزمينى معاكى .

مي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

تامر : عندك الكورنيش كله .. اختاري الرصيف اللي يعجبك .

مي : قصدي تعزمنى في مكان شاعري .

تامر : في الحر ده .. ماينفعش .

مي : بلاش دى .. نأخد مركب عالكورنيش .au moin

تامر : المراكب بتغرق اليومين دول .. خلينا ع البر أحسن .

مي : بلاش المركب تعالى نأكل ترمس .. أظن ده رخيص .

تامر : إنتى تضمني منين إن الراجل غاسل إيده وغاسل الترمس .

مي : أعوذ بالله .. إنت مقفلها كده ليه ؟؟ Mon dieu

تامر: بصراحة معييش فلوس .

مي :يا سلام!! .. ماأنت كان معاك إمبارح .


تامر : إمبارح دخلت سينما مع مُزة حلوة كده فالفلوس خلصت .

مي : مزة ؟؟!! وبتقولها في وشى .

تامر : أكذب عليكى يعنى .

مي : لأ .. تحرق دمى أحسن .

تامر: أنا مش شامم حاجة .

مي : يخرب بيت البرود .

تامر: برود إيه ؟؟ ماهو الجو مولع أهو .
مي : إنت اللي بارد .

تامر بارد إزاى ؟؟ دا أنا بشُر عرق .

مي : بقولك إيه .. روحنى .

تامر : أروحك ؟! هو إنتى ماتعرفيش تروحي لوحدك .

مي : آآآآه .. طب أنا ماشية .

تامر : ليه يا حبيبتي؟؟

مي : حبك برص .

تامر : الله يسامحك .. ميرسى .

مي : بجد كده كتير .

تامر : كتير إيه ؟؟

مي : إرحمنى .. واضح إن الحر بيجى معاك بالعكس .. يا بارد .

تامر : يعنى مصممة تمشى ؟؟

مي : أيوة وحالاً كمان .

تامر: طب استني لما نوصل آخر الشارع .

مي : اشمعنى ؟؟


تامر : أصل أنا ساكن هناك .. و مايرضكيش أروح لوحدى

مي : يا ناس الحقونى الواد ده بيعاكسنى

وكعادة الشعب المصري الشهم الناس كلها اتلمت عليه و .... الله يكون في عونه

القصه حلوه جدا وتشد القارئ بس المهم بقية الأجزاء

شكرا يا هبه

شـكــ وبارك الله فيك ـــرا لك ... لك مني أجمل تحية
وجزاك الله خيرا
_________________