تخيلوا لو روميوا جه الايام دى ايه اللى هايحصل!!!!!!!!!!!!!!!!!!!!

السلام عليكم ورحمة الله وبركاتة

اه بجد تخيلوا لو روميوا جه دلوقتى
وحب ييجي باليل ويغازل جوليت من البلكونة
المشهدالاول
ليل وهناك انارة من اعمدة النور اللى في الشوارع
وروميوا واقف تحت البلكونة ينادى
هاى جوليت انت سمعانى
ترد جوليت نعم حبيبي اسمعك
يبدأ روميوا في الكلام اللى يدوخ
وجوليت واقفة مسبلة في عنيها
وفجأة تأتى عربة مصفحة -باين عليها بوكس-ينزل منها اثنان
ويمسكوا بروميوا ويوقوله فين بطاقتك يااد
روميوا يرد بطاقة ايه انا روميوا
العتاولة يردون نعم روميوا مين طب اركب ..........
المشهد الثانى
في القسم
روميوا يتحدث انا اسمى روميوا وانتوا ماسكينى ليه
الامن يتحدث:داير تتسكع طول الليل وعاملى روميوا تلاقيك حرامى غسيل
روميو:انا لا اسمح انت مين علشان تقولى كدا
الامن:نعم طيخ طاخ طوخ
- ماتاخدوش في بالكوا دا تلاقيه صوت الامن وهو بيعطس
وينزل الستار
ايه رأيكوا ياجماعة لو كل واحد يتخيل ان في واحد من زمن مشهور جه
في عصرنا دا ويتخيل ايه اللى هايحصل معاه

مثلا قيس وليلى عنتر وعبلة اى حد يخطر ببالك شارك بفكرة معانا

لو روميو رجع تاني ياعيني عليه وعلى اللي هيحصله
هتلاقي وهو منسجم في رومانسيته دي
مامت جوليت بتحدفه بميه تلج من البلكونة علشان تفوقه ومش هتسيبه بردو
هو كان في زمن تاني من شوية ده اترحم والله
ده كفاية اللي حصله في القسم
زمن ال خلاص انتهى

انا بقول تخيلى يا ست الكل اى حد من الزمن القديم جه فى الوقت دى وتوقعى اللى هيحصل

وشكرا لمرورك ورد على الموضوع يا برنسس

طيب هتوقع اي حد منهم واوعدك مش هخبي عليك
بس الموضوع حلو اوي

انا اول واحد هتخيل مثلا ان عنتر وعبلة فى الزمن دى

وعنتر راح يشترى لعبلة تليفون n95 علشان يتصل بيها

وفجاة لاقى صاحب المحل بيقوله عاوز 3 الاف جنيه

هيقولة انا مجوزها بالف ناقة حمراء واشترى تليفون بتلاته

ويطلع السيف ويقتله وعبله تصرخ ويجى

ابوه شداد ويعقد للقضاء مع الناس

مساء الرقة والاحساس مساء مكتوب بماء الماس مساء مخصوص الى اعز الناس

مساء مخصوص الى واحد من الناس

مع تحيات فارس الاحلام المصرية

لو روميو ظهر فعلا البنات هيقطعوه
مش كفايه علينا مهند

والله موضوع قلب علينا المواجع احنا مش كفايا اللى عملة مهند فى البنات انت كمان ياواحد عايز تجيب روميو الله يسامحك

بلاش نجيب روميو نجيب قيس

وندور على ليلى تكون من الزمن دى

او نجيب اسمر وعمرو من مسلسل وتمضى الايام والحلم الضائع

مهند كمان ليه كده بس دي الدنيا بازت خااااااااااااالص
اقولك خليها اسمر وخليل

الموضوع جميل

بس يا رابت حد يتصل بانطونيوا وكليو باترا علشان يتشاركوا فى الموضوع ونعرف رايهم

لو كانوا فى الزمن دى كان ماتوا بالسم ولا كانوا هربوا من اهلهم وجوازوا عرفى

بس انا من رايى انهم يهربوا ويجوزوا عند مأذون شرعى احسن بدل مكاتب المحامين

وتبقى جوازه جامدة ونعزم كل المنتدى عليها

المحاسب

شكرا يا برنسس واحنا اسافين يا عم مهند وسلملى على نور

شكرا للمحاسب على المرور

وانطونيوا وكليوا باترا

لو جم الزمن دى البنات هتفركش كل الولاد

يا عم كفاية مهند ده النات
ياعينى بيصحوا الصبح يقولوا مهند
وكل بنت من دول تحلم انها بتتجوز مهند
مع انه مالوش ملة
بس البنات هتموت فيه

شكرا ليك يا رائد بس زى البنات ما بتحب مهند اكيد انت بتحب واحدة بتمثل باى مسلسل او فليم

انا عن نفسى بحب ..................بشوفها فى التليفزيون بنام اقدمه

مش رحنه بعيد
ما فيه دلوقتى نور ومهند

شكرا ليك يا محمد يا حاوى

وانا برده عمرو ومنار من مسلسل الحب الضائع قصة حب جامدة

كده هتعمل انقلاب في المنتدى

انا عاوز اخلى الناس تتخيل وتحب بجد وشمرا يا برنسس

هههههههههههه النهاردة لو رميو جة والله مش يعرف يسلك
مع جوليت اصلة ممكن تكون عارفة حد تانى غيرة

وفقكم الله

على رايك يا استاذ محمد

هههههههههههههههههههههههههه

والله ردك مقنع يا استاذ محمد وشكرا ليك يا حاوى

لو روميو رجع هيدخل الجيش وياخد على راس اهله بالجزمه وينسى الحب وينسى اهله وشكرا

بس ياخارج روميو مكنش هيدخل الجيش لأنه وحيد مامته
وحمدلله على سلامتك

ههههههههههههههه

شكرا يا خارج ويا سمر ولميس على المرور والمشاركة

وعايزين نتخيل اكتر