ادخل التوبيك ده واربح 1000 جنيه ( تبع المسابقه ياعم الحج )

بعد السلامو عليكو

مفيش ولا 1000 جنيه ولا حاجه عشان اللى داخل على طمع

عايزكم بس تركزوا معايا كده عشان ربنا يكرمنا ونكسب فى المسابقه دى

هنتكلم انهارده بأذن الله ( شويه جد بقا )

عن موضوع القنوات الفضائيه اللى كل لما تعدى عليها فى اى وقت تلاقى واحده موزة جامده وزى الفل

ادخل التوبيك ده واربح 1000 جنيه ( تبع المسابقه ياعم الحج ) Images%5Cnews3%5Cm06%5CD10%5C13-1

ادخل التوبيك ده واربح 1000 جنيه ( تبع المسابقه ياعم الحج ) Images%5Cnews3%5Cm06%5CD10%5C13-1

واقفه عماله ترغى فى اى حاجه !!

وتقولك اتصل بينا وجاوب عالسؤال وانت تكسب المبلغ الفلانى

وتلاقى السؤال عبيط ولو جبت ابن اختك اللى فى ابتدائى هيجاوب عليه

وكانت اول القنوات دى هى قناه ستريك وبعد كده الموضوع فتح وبقى العدد فى الليمون

طبعا القنوات دى مكسبها من المسجات (SmS) ومكالمات التليفون والموبايل

ملناش دعوة ربنا يزيدهم ويباركلهم

طبعا انت هتقولى ** انت عايز ايه يعنى من الرغى ده **

هرد عليك يا عمنا واقولك انى معايا احصائيه بتحسب المبالغ اللى بيدفعها العرب والمصريين فى الأتصالات بالقنوات اللى زى دى

وهنا بقا يكمن المشكل بتاع موضوعنا والقضيه بتاعتنا

ركز معايا ومتنمش منى عشان الحته اللى جايه مهمه

نبدأ بمصر ( ام الدنيا )

المصريين بيدفعوا

750 مليون جنيه فى السنه للـ SMS

مــلــــيـــــار جنيه فى السنه لمكالمات التليفونات المنزليه

3 مــــــــلـــــــــيــــــــارجنيه فى السنه لمكالمات الموبايل

-----------------------------------------------------

ندخل عالعرب

العرب بيدفعوا اجمالى 20 مـــــــــلــــــــــــــيـــــــــــــــار جنيه فى السنه على الليله كلها يعنى

( موبايل وتليفون منزلى ومسجات )

عرفت بقا انا بتكلم وبرغى فى ايه

تخيل المبالغ دى كلها اللى بتروح عالقنوات دى من العرب كل سنه ممكن نعمل بيها ايه

تخيل كنا ممكن نعمل كام مستشفى لمعالجه السرطان زى مستشفى 57357 اللى اساسا مش عارفين نكملها لحد دلوقتى

تخيل كنا شغلنا بيهم كام شاب ولحقناهم بدل ما يغرقوا وهما بيهاجروا عشان يشتغلوا

تخيل كنا عملنا بيهم كام سلاح جديد وحصنا نفسنا لأى حرب ممكن تكون

تخيل كنا بنينا بيهم كام مدينه وسكنا الشباب اللى مش لاقيه سكن فيهم

تخيل المصريين بيدفعوا كل سنه 4 مليار و750 جنيه كل سنه عالتفاهات والهبل ده ده غير العرب

انا تعبت من التخيل -- تخيلوا انتوا شويه بقا

وكفايه كده عشان خنقتكوا وطولت عليكم

والسلام عليكم ورحمه الله وبركاته

الجهل هو السبب فى كدة

لا حقيقى مش الجهل لو جاهل مكنشى يتصل

امال ايه هوا فيه حد مايعرفش ان البرامج دى هى اللى بتستفيد

دة من الهطل اللى احنا فية

هههههههههههههههههههههه ياعم ده الجهل ارحم من الهطل

هههه والله الجهل فعلا افضل

اااااااااااااه قضى اخف من قضى

ربنا يستر يا رائد

الجهل والهطل واحد زى بعض

لا يوجد فرق الهطل اهون بكتير

لية كدة الاتنين واحد يا جماعة

لا الهطل اهون

ماهو بابا زعلان من كدة اصلا

والله هطل جهل يلا بقى وقت فاضي ومش عارفين يعملوا فيه ايه
وده غير القنوات اللي بتقدم عروض جواز ويفضلوا يرغوا فيها
الناس دي عامله زي ما يكونوا بيشحتوا وعارفين ان الناس كده كده هتتصل
واللي هيكلمهم الناس الجهلة والناس الهطله اصلا دول هدف سهل ليهم
ويفضلوا يسألوا عين مين دي والغريب انهم يجاوبوا غلط كمان يعني الواحد ناقص شلل
المفروض انهم يمنعوها عندنا بس ازاي والناس تترفه ازاي بقى
يلا بقى جهل هطل هما الكسبانين بردو
بس سؤال بقى ما هو الشيء الذي له ثلاثة عيون ورجل واحدة

والله اللى يتصل يستاهل اكتر من انة يتقال علية اهطل وعبيط دة كمان طماع اصل هوة لو مش طناع مانش طمع انة يكسب

والله اللى يتصل يستاهل اكتر من انة يتقال علية اهطل وعبيط دة كمان طماع اصل هوة لو مش طناع مانش طمع انة يكسب
_________________

والشئ اللى بثلاث عيون ممكن يكون مفتاح الحياه لان مفتاح الحياة يأخذ شكل لة ثلاث فتحات من فوق ومن تحت مفتاح عادى

وانا مش متاكد

الإجابه هى إشارة المرور

وبعدين هتحيروني ليه مفتاح الحياة ولا الاشارة
انا عايزة اتصل يمكن اكسب بقى

الجرى وراء السراب

شـكــ وبارك الله فيك ـــرا لك ... لك مني أجمل تحية