اللمــــــــــــــــــــــــــــــــه 2

صلوا على النبى
ومدام الإسم فى إختلاف فى أى حرف بالذياده أو النقصان
يبقى الموضوع عادى جدا
وشيكو بيكو انتو الإتنين خليكو

ايه اللى بيحصل هنا ده يا جماعه

ارجوكو مش عاوز حد يزعل هنا

لا ان اللمه ما فى حد بيزعل من التانى

كلنا هنا ايد واحده

وانت يا وديع انت ووديع

انا اللى اتظلمت فيك وفكرونى انا وديع وتهامى

استهدو بالله وهتلاقولها حل ان شاء الله

صلو على النبى يا جماعه
انا عندى فكره حلوه
نطلب من المدير العام ان يغير الاسماء
ازززززززى
اقللكم ازى يعنى انشوف تاريخ تسجيل كل واحد
والى مسجل الاول
يبقى اسمه واديع رقم 1
والثانى يبقى واديع رقم 2
وتهامى باشا يختار حد يبقى المساعد بتاعه

ايه رايكم فى الفكره دى بقى

انت اهبل يلا
زى ما قال واديع
ما ينفعشى اسمين فى منتدى واحد

اللهم صلى على النبى

البحر يحب الذياده
بس ياريت يكون فى حاجه تميز واحد فيهم عن التانى
عشان أحنا كأداره وأعضاء نقدر نعرفهم من بعض ونشوف مين فيهم يستاهل لقب وديـــــــــــــــــــــــــــــــــــــــــــــــــــــع
تقبلوا مرورى

فعلا لازم التميز
بسى صساد الطيور متهمنى انى انا وديع الاولاانى
لاانى عارف وديع التانى
بسى والله ما انا

اية يا جماعة 2 وديع 3 وديع كله عادى المهم حد فيهم يجبلى افلام علشان المنتدى ده كله جميل وشكلنا هنطلع بافلام عربى كتير

يا عمنا ما دوقش كلنا اخوات

ايوه كدا يا وديع اخيرا فهمتنى

فيه ايه يا جدعان ما تعملوا وديع واحد وديع اتنين وكل واحد يحتفظ باسم وديع بردو ومحدش زعل من التانى علشان حاجه بسيطه زى دى واغرب حاجه فينا اننا بنيجى فى التافه وبنتصدررر

السلام عليكم ورحمة الله وبركاته
اولا احب اشكرك على فكرة الموضوع المريحة دى
بجد موضوع هايل بس اهم حاجة التجاوب
وبعد اذنك انا هاسرح شوية وهاحسس نفسى ان انا مع شلتى بجد
ياااااااااااااااااااه والله زمان
انا عندى على الشلة كلها عتاب ............ عتاب لكل اللى يعرف يسأل على صحابه وبيكسل وبعدين انا طالما بعاتبك يبئا انا بحبك لان احنا مانعرفش بعض من سنة ولا اتنين دى عشرة عمر والعشرة مابتهونش غير على ابن الحرام
وبعدين ايه السبب مشغول ولا بقيت فى وضع تانى ولا عايش مع ناس تانية وبئا ليك برستيج
يااااااعم ده من فات قديمة تاه
هو صحيح الواحد بيزعل بس لما بقعد بينى وبين نفسى وافكر الاقى ان انا كمان منفض لناس كتييييييييير بتسأل عليا وبتحبنى بس طبعا مش وقته انما اللى كارفلك تبقى هاتموت وتعرف هو كارفلك لي حتى لو مانتاش مبين كده وعامل مش هامك بس انت هاتموت ....... يالا اهو اى كلام

انا عندى حوار مدايقنى اخر حاجة وهو ان انا مابحبش وجود ابويا وامى معايا ولا بحب اتواجد معاهم مع ان العلاقات بينا مش وحشة ولا بينا خلافات ولا حاجة بس القصة ومافيها ان انا من اول ماتخرجت واشتغلت وانا قاعد لوحدى اه بروح اخر الاسبوع انما اتعودت على انى بنام لوحدى واكل لوحدى او مع اللى انا عاوزه بسمع اللى بحبه وبشوف اللى بحبه اعلى اوطى اقفل انا حر هو صحيح لوحدى دى خلتنى مهمل شوية لحد ماسيبت شغلى (((يعنى مش شوية اوى))) بس الحمد لله كل واحد بيعمل حاجة بيتحاسب عليها وقدر الله وماشاء فعل. وسبحان الله كل كلام الاهل بيطلع مظبوط والواحد بيتعلم المشكلة ان انا بحب اهلى جدا بس مابحبش ابئا معاهم طول الوقت ومش عارف ليه. المشكلة ان الاحساس ده جوايا ومش بيبان عليا بس انا متدايق انه جوايا لانى مابحسش منهم غير بكل راحة بس حاجة جوايا مخليانى مش عاوز اتفاعل معاهم اه ممكن اطمن عليهم واقعد واتغدى وبتاع بس مش عاوز اكون معاهم طول الوقت وطبعا ده بيدايقهم لما اكون مثلا فى اجازة وطول اليومين الاجازة انا على الكمبيوتر يا مع اصحابى يا فى اى حته يعنى مثلا ابويا النهاردة عاوزنى انزل معاه المبانى علشان نلم شوية حاجات ونظبط الدنيا انا عارف ان انا لازم اكون معاه لان انا ابنه الوحيد انما من جوايا انا حاسس ان انا مش عاوز اروح ولا اعمل اى حاجة وطبعا ده احساس سلبى وهو ده اللى حاصل ومش عارف اعمل ايه على الرغم من انى بصلى وعارف ربنا .....وممكن يكون الاحساس اللى جوايا احساس باللا مبالاة علشان انا بقالى فترة طويلة مابعملش حاجة فى حياتى غير الشغل حتى الشغل ماعرفتش اعمله واهملت فيه .
عارفين لما الواحد يحس انه زهقان من نفسه ومش عارف يعمل ايه ؟؟؟؟؟

معلش بئا انا طلبت معايا رغى فى اى حاجة بس هو ده اللى بيحصل وانتو مش اغراب يعنى

إبليس ملوش فى التهليس

غ

بص يا ابليس بجد كلامك ده اثر فيا

انته يا اخي حرام عليك في حد في الدنيا طايل ان ابوه وامه معاه وبيهتموا بيه

بلاش دي انته عارف انا دلوقتي بأندم علي كل لحظة ضيعتها من عمري وانا مش مع امي

اديني دلوقتي مش لقيها اتوفت بس اعمل ايه حكمت ربنا

انا كنت زيك كده بس دلوقتي بحاول اني اكتر وقت اقضيه في البيت

عارف كان نفسي دلوقتي امي تكون موجوده

وانا والله العظيم والله العظيم
ما هسيبها لحظة حتي شغلي والله ما هروح

بس اعمل ايه هو ده القدر هي دي حكمة ربنا

عارف انا بحسدك علي اللي انته فيه

امك وابوك معاك وبيحبوك ومش عايزينك تبعد عنهم

والله حرام عليك

الام والاب دول نعمه والله غيرك مش لقين ولا اب ولا ام

صدقني هتندم

من قلب اخوك

محمد الرومانسي

ولو عايز حل اي مشكلة انا تحت امرك

اولا انا بحب با العضو ابليس فىهذا القسم
وان شا الله يكون سعيد معنا
وهقلك حاجه بسيطه بعد الاب والام مافيش حد تانى