قصيدة حزينة جدا

موضوع: قصيدة حزينة جدا 2009-03-01, 5:15 pm

السلام عليكم هذي قصيدة حزينة حيل عجبتني وحبيت اتشوفوها
اتمنى تنال اعجابكم

.. تذكر يوم أقولك جسد يحتوي روحين /..
.. وأوعدك ما أخليك وتوعد ما تخليني..
.. أذكر يومها أشوف بالدنيا بس اثنـين ..!
.. قلبي اللي يحبك وقلبك اللي يحويني ..
.. بعدها بأيام شفت ايدك تحتضن ايدين ..
.. وانصدمت يوم شفت إنها غير ايديني ..
.. سكت لجل خاطرك وقلت مرحبا بالزين ..
.. مرحبا باللي القلب لجلـه حيل كاويني ..
.. مر يوم واسبوع وشهر وبعدها شهرين ..
.. وهو لازال مايدري بإني شفته بعيني ..
.. وأخاف إني أقوله له خاين وينجرح بعدين ..
.. وأخاف أسكت وبسكوتي صمتي حيل يشقيني ..
.. واجهته وأنا أبكي والعين تحتضن العين ..
.. سألته : ليه تنسـاني ؟ وإلا ماكنت تغليني ؟؟
.. سكت ولفّ عني وخبى وجهه بالإيدين ..
.. اللي كانت تحضني وغيرها ما تدفيني ..
.. سحبت وجهه و مسحت الدمع على الخدين ..
.. وقلت له والله أحبك ولو إنك تخليني ..!
.. سكت فتره وقال لي : لازلتي تحبين ؟؟
.. بعد اللي تشوفينه لا زلتي تحبيني ؟؟
.. ابتسمت وقلت أجل ماعرفت للحين ..
.. إني أحبك حيل واللي يرضيك يرضيني ..
.. سكت فتره وأنا أعاود فرحة بقت لسنين ..
.. وتركته وتركت حبه اللي بقى فيني ..
.. وصارت الدمعـة إذا هلّت أقول أهلين ..
.. والبسمة هجرتني ونست دربها فيني ..
.. بعدها بـأيام سمعت خبر والله شين ..

.. سمعت إنه مـاااات وهو يطلب يلاقيني ..

.. ويوم إني رحت .. وصيته لي بورقتين ..
.. الأولى بها اسمي كتب بدمه يغليني ..
.. والثانيه يقول فيها: أبي أوضحلك شيئين ..
.. الأول أحبك حيل وماسكن غيرك شراييني ..
.. والثاني أمانه لا جيتي لأهلي تعزيّن ..
.. لا تنزل دموعك لي طلبتك لاتَبْكِينِي ..
.. كل اللي أبيه إنك بالخير لي تدعين ..
.. وإنك بالشهر مره بقبري تزوريني ..
.. واللي أبيك تعرفيه ومهم إنك تعرفين ..

:

.. اللي شفتيها معي كانت بموتي تبشّرني ..
.. انا اللي خليتك من كيفي عني تبعدين ..
.. لجل ما ينجرح قلبك بلحظة موت تحويني ..
.. تكفين لا تظنين إني خنتك ياالغلا تكفين ..
.. وإذا لازلتي تحبيني دايم بـالخير ذكريني ..
.. سكت وقلت : ياليتني ظليت معك يازين ..
.. وشفت الموت ياخذك مني ولاكذا تخليني ..
.. تظنون إني نسيت أو الدمع جف بالعين ؟!
.. لا والله إلين اليوم وهو معي يخاويني ..
.. لو تدور الدنيـا ولو تمر بعدها سنين ..
.. ما نسيته لو أشوف أحفـااادي حواليني ..

موضوع: رد: قصيدة حزينة جدا 2009-03-10, 11:17 pm

شكرا

موضوع: رد: قصيدة حزينة جدا 2009-03-12, 7:58 pm

تانى مش عارف لية احساسى بقولى ان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موضوع: رد: قصيدة حزينة جدا 2009-06-20, 3:31 am

شـكــ وبارك الله فيك ـــرا لك ... لك مني أجمل تحية

موضوع: رد: قصيدة حزينة جدا 2009-07-29, 4:36 pm

شكرا يا محمد الحاوى

موضوع: رد: قصيدة حزينة جدا 2009-08-01, 9:27 pm

انا مفهمتش اى حاجه

موضوع: رد: قصيدة حزينة جدا 2009-08-02, 7:03 pm

لا لا ده كلام كبير ومش اى حد يفهمه

موضوع: رد: قصيدة حزينة جدا 2010-01-11, 6:47 pm

جزاك الله كل خير

الاكابر الاحساس محيرة كل الناس

اسألوا

الحاوي الشاعر ايناس

موضوع: رد: قصيدة حزينة جدا 2010-01-17, 9:17 pm

اشكرك على الموضوع

تقبلوا مرورى

ودعونى اعود من حيث اتيت