مصر واليابان

صديقي اليابانى
وهو شخص ابن بلد ولذيذ
كان فرحان أوي وإحنا بنتمشي
في شارع عبدالعزيز
قال لي شايف يا فريكيكو
كل ده ياباني.. كل ده ياباني
وده الحقيقة اللي خلاني أقوله
طول عمرك يا سيكو سيكو خايب
إنت تسهر وتفكر وتصدر
وإحنا ناخد جمارك وضرايب
إنت هنا يا صاحبي ف بلاد العجايب
قال لي: ليه الهيصة الكتير دي واللمة؟
قلت له البلد كلها ف ثانوية عامة
عندكو مكتب تنسيق يا سيكو سيكو
قال لي عندنا في اليابان
مفيش مستحيل
قلت له وعندنا ف مصر بالنا طويل
وعندنا تلات أهرامات ونيل
ومستورة وزي الفل
قال لي عندنا ف اليابان
شبكة معلومات
قلتله يا عم ده إحنا
ما صدقنا عرفنا فاتورة التليفونات
قال لي عندنا في اليابان
قلت له واحنا ماعندناش
قال لي وعملنا
قلت له وإحنا كنا هانعمل
ومفيش نصيب وماعملناش
قال لي عندنا في اليابان
المسؤول اللي يغلط
مفيش غير الانتحار
قلت له وعندنا ف مصر
اللي يخربها بيخرج منها
معزز مكرم
من صالة كبار الزوار
ده المسامح كريم يا أخي
وبعدين
روحنا اتغدينا كوارع ف الحسين
ومن ساعتها مش عارف هو فين

شـكــ وبارك الله فيك ـــرا لك ... لك مني أجمل تحية
_________________